ഡെർബി: കൗണ്ടി ചാന്പ്യൻഷിപ്പ് ഡിവിഷൻ രണ്ടിൽ ഇന്ത്യയുടെ ചേതേശ്വർ പൂജാരയും പാക്കിസ്ഥാന്റെ മുഹമ്മദ് റിസ്വാനും സസക്സിനായി അരങ്ങേറി. ഡെർബിഷെയറിനെതിരേയായിരുന്നു ഇരുവരുടെയും അരങ്ങേറ്റം.
പൂജാര മുന്പും ഇംഗ്ലീഷ് കൗണ്ടി കളിച്ചിട്ടുണ്ട്. അതേസമയം, വിക്കറ്റ് കീപ്പർ ബാറ്ററായ റിസ്വാന്റെ ആദ്യ സീസണ് ആണിത്.
ഫോം ഔട്ട് ആയ പൂജാര, ഇന്ത്യൻ ദേശീയ ടീമിലേക്ക് മടങ്ങിവരാനുള്ള കഠിന ശ്രമത്തിലാണ്. ഇതിന്റെ ഭാഗമായി രഞ്ജി ട്രോഫിയിലും പൂജരാ കളിച്ചിരുന്നു.