വാഷിംഗ്ടൺ ഡിസി: അമേരിക്കൻ പ്രസിഡന്റ് ജോ ബൈഡനും ചൈനീസ് പ്രസിഡന്റ് ഷി ചിൻപിഗും ചർച്ച നടത്തി. 1.50 മണിക്കൂർ ചർച്ച നീണ്ടു നിന്നുവെന്ന് വൈറ്റ് ഹൗസ് അറിയിച്ചു. യുദ്ധവുമായി ബന്ധപ്പെട്ട ആശങ്കകൾ ഇരുവരും പങ്കുവച്ചു.
യുദ്ധം ആർക്കും താത്പര്യമുള്ളതല്ലെന്ന് ഷി ചിൻപിഗ് പറഞ്ഞു. ചൈനയും അമേരിക്കയും അന്താരാഷ്ട്ര ഉത്തരവാദിത്തങ്ങൾ ഏറ്റെടുക്കണം. സമാധാനവും സുരക്ഷയുമാണ് അന്താരാഷ്ട്ര സമൂഹത്തിന്റെ ഏറ്റവും മൂല്യവത്തായ നിധികൾ എന്ന് ഷി പറഞ്ഞു.
ഇപ്പോൾ യുക്രെയ്നിൽ നടക്കുന്ന സംഭവവികാസങ്ങൾ ആരും ആഗ്രഹിക്കുന്നില്ലെന്നും ഷി അഭിപ്രായപ്പെട്ടു.