അൽബെർട്ട: കാനഡയിലെ അൽബെർട്ടയിൽ ഇന്ത്യൻ വംശജനായ സിഖ് യുവാവ് വെടിയേറ്റ് മരിച്ചു. ഒരു മാസത്തിനിടെ കാനഡയിൽ സമാനമായ രണ്ടാമത്തെ സംഭവമാണിത്. സൻരാജ് സിംഗ് (24) എന്ന യുവാവാണ് മരിച്ചത്. എഡ്മോൺടൺ സിറ്റിയിലായിരുന്നു സംഭവം.
മുറിവേറ്റ നിലയിൽ വാഹനത്തിലാണ് പോലീസ് സൻരാജിനെ കണ്ടെത്തിയത്. ഉടനെ തന്നെ പ്രാഥമിക ശുശ്രൂഷ നൽകിയെങ്കിലും മരിച്ചു. കൊലപാതകം നടന്ന സമയത്ത് ഇവിടെനിന്നും പോയ വാഹനത്തെ കേന്ദ്രീകരിച്ചാണ് പോലീസ് അന്വേഷണം നടക്കുന്നത്.
വാഹനത്തെക്കുറിച്ചോ വെടിവയ്പ്പിനെക്കുറിച്ചോ വിവരം ലഭിക്കുന്നവർ അറിയിക്കണമെന്ന് പോലീസ് പറഞ്ഞു.