ശ്രീനഗർ: കാശ്മീരിൽ ഭീകരാക്രമണത്തിൽ യുവതി കൊല്ലപ്പെട്ടു. തെക്കൻ കാശ്മീരിലെ കുൽഗാം ജില്ലയിലെ ഗോപാൽപോറ മേഖലയിലാണ് ഒരു കാശ്മീരി പണ്ഡിറ്റ് യുവതി ഭീകരരുടെ വെടിയേറ്റു മരിച്ചത്. ജമ്മു ഡിവിഷനിലെ സാമ്പ സ്വദേശിനിയായ സ്കൂൾ അദ്ധ്യാപികയാണ് കൊല്ലപ്പെട്ടതെന്ന് കാശ്മീർ പൊലീസ് വ്യക്തമാക്കി. പരിക്കേറ്റ യുവതിയെ ആശുപത്രിയിൽ എത്തിച്ചെങ്കിലും രക്ഷപ്പടുത്താനായില്ല. സംഭവസ്ഥലത്ത് സുരക്ഷാ സേന പരിശോധന നടത്തി വരികയാണ്.
