മൗണ്ട് മോംഗനുയി: വനിതാ ഏകദിന ലോകകപ്പിൽ പാക്കിസ്ഥാനെതിരേ ഓസ്ട്രേലിയയ്ക്ക് ഏഴ് വിക്കറ്റ് വിജയം. ആദ്യം ബാറ്റ് ചെയ്ത പാക്കിസ്ഥാൻ 50 ഓവറിൽ ആറ് വിക്കറ്റിന് 190 റണ്‍സ് നേടി. 34.3 ഓവറിൽ മൂന്ന് വിക്കറ്റ് നഷ്ടത്തിൽ ഓസീസ് ലക്ഷ്യത്തിലെത്തി.
72 റണ്‍സ് നേടിയ അലീസ ഹീലിയുടെ ഇന്നിംഗ്സാണ് ഓസീസിന് അനായാസ ജയം സമ്മാനിച്ചത്. റേച്ചൽ ഹെയിൻസ് (34), മെഗ് ലാനിംഗ് (35), എലിസ് പെറി (പുറത്താകാതെ 26), ബെത്ത് മൂണി (പുറത്താകാതെ 23) എന്നിവരും ബാറ്റിംഗിൽ തിളങ്ങി. പാക്കിസ്ഥാന് വേണ്ടി ഒമൈമ സൊഹൈൽ രണ്ടു വിക്കറ്റ് വീഴ്ത്തി. അലീസ ഹീലിയാണ് പ്ലെയർ ഓഫ് ദ മാച്ച്.
നേരത്തെ ആദ്യം ബാറ്റ് ചെയ്ത പാക്കിസ്ഥാൻ ക്യാപ്റ്റൻ ബിസ്മ മാറൂഫ് (പുറത്താകാതെ 78), ആലിയ റിയാസ് (53) എന്നിവരുടെ അർധ സെഞ്ചുറി മികവിലാണ് ഭേദപ്പെട്ട സ്കോർ നേടിയത്. മറ്റ് ബാറ്റർമാർക്കൊന്നും തിളങ്ങാനായില്ല. ഓസീസിനായി അലന കിംഗ് രണ്ടു വിക്കറ്റ് വീഴ്ത്തി.
