കൊളംബോ: ശ്രീലങ്ക-അഫ്ഗാനിസ്ഥൻ ഏകദിന പരമ്പര സമനിലയിൽ അവസാനിച്ചു.1-0 ത്തിന് പിന്നിലായിരുന്ന ലങ്ക അവസാന മത്സരത്തിൽ വിജയം കണ്ടെത്തിയാണ് പരമ്പര സമനിലയിലാക്കിയത്.
നിർണായകമായ മൂന്നാം മത്സരത്തിൽ ടോസ് നേടിയ അഫ്ഗാൻ ബാറ്റിംഗ് തെരഞ്ഞെടുക്കുകയായിരുന്നു. ഓപ്പണർ ഇബ്രാഹിം സദ്രാൻ 162 റൺസുമായി തകര്ത്ത് കളിച്ചപ്പോൾ അഫ്ഗാൻ 50 ഓവറിൽ 8 വിക്കറ്റ് നഷ്ടത്തിൽ 313 റൺസ് എടുത്തു.
കൂറ്റൻ വിജയലക്ഷ്യം തേടിയിറങ്ങിയ ലങ്കയ്ക്ക് ഓപ്പണർമാരായ കുശൽ മെന്ഡിസും നിസാങ്കയും മികച്ച തുടക്കമാണ് നൽകിയത്. പിന്നാലെ 72 പന്തിൽ 83 റൺസുമായി അസലങ്ക പുറത്താകാതെ നിന്നതോടെ ലങ്ക രണ്ട് പന്ത് ബാക്കി നിൽക്കെ ലക്ഷ്യം കണ്ടു.
138 പന്തിൽ 164 റൺസ് നേടിയ സദ്രാനാണ് പരന്പരയിലെ താരം. അഫ്ഗാൻ ബാറ്ററുടെ ഏറ്റവും ഉയർന്ന സ്കോർ എന്ന നേട്ടവും 20കാരനായ താരം സ്വന്തമാക്കി.