ഫിലിപ്പീൻസ് മുൻ പ്രസിഡന്റ് ഫിദെൽ വാൽഡസ് റാമോസ്(94) അന്തരിച്ചു. 1992 മുതൽ 1998 വരെയായിരുന്നു റാമോസ് പ്രസിഡന്റായിരുന്നത്. 1986ൽ, ഏകാധിപതിയായിരുന്ന ഫെർഡിനാൻഡ് മാർക്കോസിനെ പുറത്താക്കിയ ജനാധിപത്യ പ്രക്ഷോഭത്തിൽ റാമോസ് പങ്കാളിയായിരുന്നു.
മാർക്കോസിന്റെ സെക്കൻഡ് കസിനാണ് റാമോസ്. യുഎസിൽ പരിശീലനം നേടിയ ഇദ്ദേഹം കൊറിയൻ, വിയറ്റ്നാം യുദ്ധങ്ങളിൽ പങ്കെടുത്തിട്ടുണ്ട്. മാർക്കോസിനെ പുറത്താക്കിയതിനെത്തുടർന്ന് ഫിലിപ്പീൻസ് പ്രസിഡന്റായത് കോറസോൺ അക്വിനോ ആയിരുന്നു. റാമോസ് സൈനികതലവനുമായി.
അക്വിനോയ്ക്കു പിൻഗാമിയായാണ് റാമോസ് പ്രസിഡന്റായത്. കത്തോലിക്കാ ഭൂരിപക്ഷ രാജ്യമായ ഫിലിപ്പീൻസിലെ പ്രോട്ടസ്റ്റന്റുകാരനായ ആദ്യ പ്രസിഡന്റാണ് ഇദ്ദേഹം.