ജിദ്ദയിലെ കിംഗ് അബ്ദുല് അസീസ് അന്താരാഷ്ട്ര വിമാനത്താവളത്തില് ലാൻഡിംഗിനിടെ വിമാനം റണ്വേയില് നിന്ന് തെന്നിമാറി. ബുധനാഴ്ച പ്രാദേശിക സമയം രാവിലെ 8.10നായിരുന്നു സംഭവം. എന്നാല് ആര്ക്കും പരിക്കേറ്റിട്ടില്ലെന്ന് അധികൃതര് അറിയിച്ചു.
ഗള്ഫ് സ്ട്രീം 400 വിമാനമാണ് റണ്വേയില് നിന്ന് തെന്നിമാറിയത്. ഈ സമയത്ത് അഞ്ച് ജീവനക്കാരാണ് വിമാനത്തിലുണ്ടായിരുന്നത്. ഇവര്ക്ക് ആര്ക്കും പരിക്കുകളില്ല. വിമാനത്താവളത്തിലെ എമര്ജന്സി റെസ്ക്യൂ സംഘം ഉടന് തന്നെ സ്ഥലത്തെത്തി തുടര് നടപടികള് സ്വീകരിച്ചു.
സംഭവത്തിൽ കാരണങ്ങൾ ഉൾപ്പെടെ കണ്ടെത്താനായി വിദഗ്ധ സംഘം അന്വേഷണം ആരംഭിച്ചു.