ജക്കാർത്ത: ഏഷ്യ കപ്പ് പുരുഷ ഹോക്കിയിൽ ഫൈനൽ കാണാതെ ഇന്ത്യ പുറത്ത്. സൂപ്പർ ഫോറിലെ അവസാന മത്സരത്തിൽ ദക്ഷിണ കൊറിയയോട് (4-4) സമനിലയിൽ കുടുങ്ങിയ ഇന്ത്യ ഫൈനൽ കാണാതെ പുറത്തായി.
ഇതിനു മുന്പ് നടന്ന മത്സരത്തിൽ മലേഷ്യ 5-0ന് ജപ്പാനെ തോൽപ്പിച്ചു. ഇതോടെ ഫൈനലിൽ പ്രവേശിക്കണമെങ്കിൽ ഇന്ത്യക്ക് കൊറിയയോടു ജയിക്കണമെന്നായി. ഫൈനൽ ലക്ഷ്യംവച്ച് ആക്രമിച്ചു കളിച്ച ഇന്ത്യയെ കൊറിയ സമനിലയിൽ മെരുക്കി.
ബുധനാഴ്ച നടക്കുന്ന ഫൈനലിൽ മലേഷ്യയും ദക്ഷിണ കൊറിയയും ഏറ്റുമുട്ടും. മൂന്നാം സ്ഥാനക്കാർക്കായുള്ള പോരാട്ടത്തിൽ ഇന്ത്യ ജപ്പാനെ നേരിടും.
