ആംസ്റ്റർഡാം: നെതർലൻഡ്സിലേക്കു വാതകം കയറ്റി അയയ്ക്കുന്നതു നിർത്തിവച്ചതായി റഷ്യയിലെ ഊർജകന്പനി ഗ്യാസ്പ്രോം അറിയിച്ചു. വാതകത്തിന്റെ വില റഷ്യൻ കറൻസിയായ റൂബിളിൽ നല്കണം എന്ന ആവശ്യം അംഗീകരിക്കാത്തതിനാലാണിത്.
ഇതേ കാരണത്താൽ റഷ്യ നേരത്തേ ബൾഗേറിയ, പോളണ്ട്, ഫിൻലാൻഡ് എന്നീ രാജ്യങ്ങൾക്കു വാതകം നല്കുന്നതു നിർത്തിയിരുന്നു. യൂറോപ്യൻ യൂണിയന്റെ ഉപരോധങ്ങൾ മറികടക്കാനാണു പണം റൂബിളിൽ വേണമെന്നു റഷ്യ ആവശ്യപ്പെടുന്നത്.
റഷ്യൻ വാതകത്തെ വലുതായി ആശ്രയിക്കുന്ന രാജ്യമാണു നെതർലൻഡ്സ്.