കീവ്: റഷ്യൻ അധിനിവേശം നടക്കുന്ന യുക്രെയ്നായി യൂറോപ്യൻ യൂണിയൻ കൂടുതൽ കാര്യങ്ങൾ ചെയ്യണമെന്ന് പ്രസിഡന്റ് വോളോഡിമിർ സെലെൻസ്കി. റഷ്യ തന്റെ രാജ്യം ആക്രമിക്കാൻ തുടങ്ങിയിട്ട് രണ്ടാഴ്ചയിലേറെയായെന്നും അദ്ദേഹം പറഞ്ഞു.
രാഷ്ട്രീയക്കാരുടെ തീരുമാനങ്ങൾ അവരുടെ ജനങ്ങളുടെ മാനസികാവസ്ഥയുമായി പൊരുത്തപ്പെടണമെന്നും സെലെൻസ്കി പറഞ്ഞു. തന്റെ രാജ്യത്തിനുള്ളിലെ ജീവിത സാഹചര്യങ്ങൾ അതിവേഗം വഷളായിക്കൊണ്ടിരിക്കുകയാണ്. ഇതൊരു മാനുഷിക ദുരന്തമാണെന്നും സെലെൻസ്കി കൂട്ടിച്ചേർത്തു.
അതേസമയം റഷ്യൻ അധിനിവേശം പരിഹരിക്കുന്നതിനായി യൂറോപ്യൻ യൂണിയൻ നേതാക്കൾ വ്യാഴാഴ്ച മുതൽ ഫ്രാൻസിലെ വെർസൈൽസിൽ യോഗം ചേരുന്നുണ്ട്.