റാഞ്ചി: ഇംഗ്ലണ്ടിന്റെ ജോണി ബെയര്സ്റ്റോയെ മടക്കി ടെസ്റ്റ് ക്രിക്കറ്റില്‍ മറ്റൊരു അപൂര്‍വ നേട്ടത്തില്‍ കൈയൊപ്പു ചാര്‍ത്തി ഇന്ത്യയുടെ സ്പിന്‍ ഇതിഹാസം ആര്‍ അശ്വിന്‍. ഇംഗ്ലണ്ടിനെതിരെ 100 വിക്കറ്റുകള്‍ വീഴ്ത്തുന്ന ആദ്യ ഇന്ത്യന്‍ ബൗളറായി അശ്വിന്‍ മാറി.
ഇംഗ്ലണ്ടിനെതിരെ 100 വിക്കറ്റുകളും 1000 റണ്‍സും തികയ്ക്കുന്ന ചരിത്രത്തിലെ നാലാമത്തെ മാത്രം താരമായും അശ്വിന്‍ മാറി. ഇംഗ്ലണ്ടിനെതിരെ ഈ നേട്ടം സ്വന്തമാക്കുന്ന ആദ്യ ഇന്ത്യന്‍ താരവും അശ്വിന്‍ തന്നെ. ഇതിഹാസ പട്ടികയിലേക്കാണ് താരം ബെയര്സ്റ്റോയെ വിക്കറ്റിനു മുന്നില്‍ കുരുക്കി നടന്നു കയറിയത്. ഇംഗ്ലണ്ടിനെതിരെ അശ്വിന്റെ ബാറ്റിങ്, ബൗളിങ് നേട്ടം ഇതോടെ 1085 റണ്‍സും 100 വിക്കറ്റും എന്ന ഫിഗറിലെത്തി.
