എടക്കര: യുവാവിനെ വെട്ടികൊല്ലാൻ ശ്രമിച്ച പ്രതി പോലീസിന്റെ പിടിയിൽ. മുണ്ടേരി ഏട്ടപ്പാറ കോളനിയിലെ രമേശനാണ് (25) പോത്തുകല്ല് പൊലീസിന്റെ പിടിയിലാത്. ഉപ്പട മലച്ചി കോളനിയില്‍ ബുധനാഴ്ച രാത്രി ഏഴിനാണ് സംഭവം. മലച്ചി കോളനിയിലെ അനീഷിനെയാണ് (23) രമേശ് ആക്രമിച്ചത്.
മരംവെട്ടുകാരനായ രമേശ് തന്റെ കൈയിലുള്ള മൂർച്ചയുള്ള ആയുധം ഉപയോഗിച്ച് അനീഷിന്റെ കഴുത്തില്‍ വെട്ടുകയായിരുന്നുവെന്ന് പൊലീസ് പറഞ്ഞു. ഗുരുതര പരിക്കുകളോടെ അനീഷിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. നിലമ്പൂര്‍ ഡിവൈ.എസ്.പി സാജു കെ. എബ്രഹാമിന്റെ നിര്‍ദേശപ്രകാരം പോത്തുകല്ല് പൊലീസ് ഇന്‍സ്‌പെക്ടര്‍ വി.എം. ശ്രീകുമാര്‍, എസ്.ഐ കെ. സോമന്‍, സി.പി.ഒ ദിനേശ്, ഹോംഗാര്‍ഡ് സോമരാജ് എന്നിവരാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.
