മനാമ: യാത്രക്കാർക്കായി ഹോം ചെക്ക്-ഇൻ, ബാഗേജ് ഡെലിവറി സേവനവുമായി ബഹ്റൈൻ ഇന്റർനാഷനൽ എയർപോർട്ട് (ബി.ഐ.എ). ഹാല ബഹ്റൈൻ ഹോസ്പിറ്റാലിറ്റിയുടെ ഭാഗമായാണ് പുതിയ സംവിധാനം അവതരിപ്പിച്ചത്. യാത്ര പുറപ്പെടുന്നതിനുമുമ്പ് ഹാല ബഹ്‌റൈനിൽ നിന്നുള്ള ഒരു ഏജന്റ് യാത്രക്കാരനുള്ള സ്ഥലത്തെത്തി ബാഗുകൾ തൂക്കി ടാഗ് ചെയ്യും.
ചെക്ക്-ഇൻ ചെയ്തശേഷം ബോർഡിങ് പാസുകൾ നൽകും. തുടർന്ന് യാത്രക്കാരുടെ ബാഗേജ് എയർപോർട്ടിൽ എത്തിക്കുകയും ഫ്ലൈറ്റിൽ കയറ്റിയെന്ന് ഉറപ്പാക്കുകയും ചെയ്യും. യാത്രക്കാർക്ക് ലഗേജിന്റെ ഭാരമില്ലാതെ യഥാസമയം എയർപോർട്ടിലേക്ക് പോകാൻ കഴിയും. ഇമിഗ്രേഷനിലേക്ക് നേരിട്ടുപോകാം. ഒരു ടെൻഷന്റെയും ആവശ്യമില്ലാതെ സുഖമായി യാത്ര ചെയ്യാനാകും. ചെക്ക്-ഇൻ ഡെസ്‌ക്കുകൾ ഒഴിവാക്കി നേരിട്ട് ഇമിഗ്രേഷനിലേക്ക് പോകാൻ കഴിയുമെന്നത് അവസാന സമയത്തെ ടെൻഷൻ ഒഴിവാക്കാൻ ഏറ്റവും നല്ല മാർഗമാണ്.ബഹ്റൈൻ ഇന്റർനാഷനൽ എയർപോർട്ടിലെത്തുന്ന യാത്രക്കാരു
