ഇംഗ്ലണ്ടിന്‍റെ ചരിത്ര യൂറോ കപ്പ് നേട്ടത്തിന് ഇംഗ്ലീഷ് താരം ജിൽ സ്‌കോട്ട് രാജ്യാന്തര ഫുട്ബോളില്‍ നിന്ന് വിരമിച്ചു. ഇംഗ്ലണ്ടിന് ആയി ഏറ്റവും കൂ ടുതൽ മത്സരങ്ങൾ കളിച്ച രണ്ടാമത്തെ വനിതാ താരമാണ് സ്‌കോട്ട്. 161 മത്സരങ്ങളിൽ 27 ഗോളുകൾ നേടിയിട്ടുണ്ട്.
സഹതാരവും റെക്കോർഡ് ഗോൾ വേട്ടക്കാരിയും ആയ എലൻ വൈറ്റ് വിരമിച്ചതിനു മണിക്കൂറുകൾക്ക് ശേഷം ആണ് ജിൽ സ്‌കോട്ട് ഫുട്‌ബോളിൽ നിന്നു വിരമിക്കൽ പ്രഖ്യാപിച്ചത്. ഇംഗ്ലണ്ടിനു ആയി 10 വലിയ ടൂർണമെന്‍റുകളിൽ കളിച്ച ജിൽ രണ്ട് യൂറോ കപ്പ് ഫൈനൽ കളിച്ച ഏക ഇംഗ്ലീഷ് താരമാണ്.
സണ്ടർലാൻഡ്, എവർട്ടൺ, മാഞ്ചസ്റ്റർ സിറ്റി, ആസ്റ്റൺ വില്ല എന്നീ ടീമുകളിൽ കളിച്ച 35 കാരിയായ ജിൽ ഇംഗ്ലണ്ടിൽ ക്ലബ് തലത്തിൽ എല്ലാ കപ്പും നേടിയിട്ടുണ്ട്. 2017 ൽ മാഞ്ചസ്റ്റർ സിറ്റിക്ക് ആയി വനിത സൂപ്പർ ലീഗും എഫ്എ കപ്പും ജിൽ നേടിയിരുന്നു.
