ന്യൂഡൽഹി: ഇസ്രയേൽ പ്രധാനമന്ത്രി നഫ്താലി ബെന്നറ്റിന്റെ ഇന്ത്യാ സന്ദർശനം മാറ്റിവച്ചു. അദ്ദേഹത്തിന് കോവിഡ് സ്ഥിരീകരിച്ചതോടെയാണ് സന്ദർശനം മാറ്റിയത്. ഏപ്രിൽ രണ്ടു മുതൽ അഞ്ച് വരെയായിരുന്നു സന്ദർശനം നിശ്ചയിച്ചിരുന്നത്.
ഇസ്രയേൽ പ്രധാനമന്ത്രിയുടെ ആരോഗ്യനില തൃപ്തികരമാണെന്നും അദ്ദേഹം വിശ്രമത്തിലാണെന്നും മാധ്യമ ഉപദേഷ്ടാവ് അറിയിച്ചു. ഞായറാഴ്ച അദ്ദേഹം യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്നുമായി കൂടിക്കാഴ്ച നടത്തിയിരുന്നു.