ആലപ്പുഴ: സിൽവർലൈൻ ലൈൻ പദ്ധതിയുടെ കല്ലിടലിനെതിരേ ആലപ്പുഴയിൽ യൂത്ത് കോണ്ഗ്രസ് സംഘടിപ്പിച്ച പ്രതിഷേധ മാർച്ചിൽ സംഘർഷം. കളക്‌ട്രേറ്റിലേക്ക് മാർച്ച് ചെയ്ത് എത്തിയ പ്രവർത്തകരെ പോലീസ് തടഞ്ഞു. തുടർന്ന് പോലീസുമായി ഉന്തും തള്ളുമുണ്ടായി.
കളക്‌ട്രേറ്റ് വളപ്പിൽ ചാടിക്കടന്ന് പ്രതീകാത്മകമായി കെ റെയിൽ കല്ലിടാൻ ശ്രമിച്ച പ്രവർത്തകരെ പോലീസ് നീക്കി. പ്രതിഷേധക്കാരെ പിരിച്ചുവിടാൻ പോലീസ് ലാത്തിവീശി.
ജില്ലയിലെ മുതിർന്ന കോൺഗ്രസ് നേതാവ് എ.എ.ഷുക്കൂർ അടക്കമുള്ള നേതാക്കൾ പ്രതിഷേധത്തിന് പിന്തുണയുമായി എത്തിയിരുന്നു.
