കോലലംപൂര്: മലേഷ്യന് ബാഡ്മിന്റണ് താരം ലീ സീ ജിയ കോമണ്വെല്ത്ത് ഗെയിംസില് (CWG 2022) നിന്ന് പിന്മാറി. ഈ വര്ഷത്തെ ലോക ചാംപ്യന്ഷിപ്പില് ശ്രദ്ധ കേന്ദ്രീകരിക്കുന്നതിന്റെ ഭാഗമായാണ് പിന്മാറ്റമെന്ന് താരം പറഞ്ഞു. മലേഷ്യയുടെ ഒന്നാം നമ്പര് താരമായ ലീ, നിലവില് ലോക റാങ്കിംഗില് അഞ്ചാം സ്ഥാനത്താണ്. ഏഷ്യന് ചാംപ്യന്ഷിപ്പിലെ സിംഗിള്സ് സ്വര്ണ മെഡല് ജേതാവ് കൂടിയാണ് ലീ.
താരത്തിന്റെ പിന്മാറ്റം ഇന്ത്യന് താരങ്ങളായ ലക്ഷ്യ സെന്, കെ ശ്രീകാന്ത്, എച്ച് എസ് പ്രണോയ് എന്നിവര്ക്ക് നേട്ടമാകുമെന്നാണ് വിലയിരുത്തല്. അടുത്ത മാസം 25 മുതല് ബര്മിങ്ഹാമിലാണ് കോമണ്വെല്ത്ത് ഗെയിംസ്.