ആധാർ വിവരങ്ങൾ തിരുത്തുന്നതിൽ പുതിയ നിയന്ത്രണങ്ങൾ; കേന്ദ്ര സർക്കാരിന്റെ പുതിയ നിർദ്ദേശങ്ങൾ

Pauly Vadakkan
-
0
ആധാർ വിവരങ്ങൾ തിരുത്തുന്നതിൽ പുതിയ നിയന്ത്രണങ്ങൾ; കേന്ദ്ര സർക്കാരിന്റെ പുതിയ നിർദ്ദേശങ്ങൾ

രാജ്യത്ത് ഏറ്റവും കൂടുതൽ ഉപയോഗിക്കുന്ന തിരിച്ചറിയൽ രേഖകളിലൊന്നാണ് ആധാർ കാർഡ്. ബാങ്കിംഗ് സേവനങ്ങൾ മുതൽ മൊബൈൽ സിം, സർക്കാർ ക്ഷേമപദ്ധതികൾ, വിവിധ ഔദ്യോഗിക നടപടികൾ എന്നിവയ്ക്കെല്ലാം ആധാർ ഇന്ന് അനിവാര്യമായി മാറിയിട്ടുണ്ട്. എന്നാൽ പലരുടെയും ആധാറിൽ പേര്, ജനനത്തീയതി, വിലാസം തുടങ്ങിയ വിവരങ്ങളിൽ പിഴവുകൾ ഉണ്ടാകുന്ന സാഹചര്യത്തിൽ അവ തിരുത്താൻ ആളുകൾ ആവർത്തിച്ച് അപ്ഡേറ്റ് ചെയ്യാറുണ്ട്.

ഈ സാഹചര്യത്തിലാണ് ആധാർ വിവരങ്ങൾ തിരുത്തുന്നതിൽ കേന്ദ്ര സർക്കാർ പുതിയ നിയന്ത്രണങ്ങൾ കൊണ്ടുവന്നത്. തട്ടിപ്പുകൾ തടയുകയും വിവരങ്ങളുടെ വിശ്വാസ്യത ഉറപ്പാക്കുകയും ചെയ്യുന്നതിനായാണ് പുതിയ നിയമങ്ങൾ നടപ്പിലാക്കുന്നതെന്ന് അധികൃതർ വ്യക്തമാക്കുന്നു.

പേര് തിരുത്താൻ ഇനി പരിമിത അവസരം

UIDAI പുറത്തിറക്കിയ പുതിയ മാർഗനിർദ്ദേശങ്ങൾ പ്രകാരം, ഒരു വ്യക്തിക്ക് ആധാർ കാർഡിലെ പേര് ജീവിതത്തിൽ രണ്ടുതവണ മാത്രമേ മാറ്റാൻ കഴിയൂ. അതുപോലെ ജനനത്തീയതി ഒരുതവണ മാത്രം തിരുത്താൻ അവസരം ലഭിക്കും.

തെറ്റായ വിവരങ്ങൾ ആവർത്തിച്ച് മാറ്റുന്നത് ഒഴിവാക്കുകയും, ആധാർ വിവരങ്ങളുടെ വിശ്വാസ്യത നിലനിർത്തുകയും ചെയ്യാനാണ് ഈ നിയന്ത്രണങ്ങൾ ഏർപ്പെടുത്തിയിരിക്കുന്നത്.

വിലാസം മാറ്റുന്നതിന് ഇപ്പോഴും സൗകര്യം

പേര്, ജനനത്തീയതി എന്നിവയ്ക്ക് നിയന്ത്രണങ്ങളുണ്ടെങ്കിലും വിലാസം മാറ്റുന്നതിന് നിലവിൽ പ്രത്യേക പരിധിയില്ല. ആവശ്യമായപ്പോൾ വിലാസം പുതുക്കാൻ കഴിയും. ജോലി ആവശ്യങ്ങൾക്കായി മറ്റിടങ്ങളിലേക്ക് താമസം മാറുന്നവർക്ക് ഈ സൗകര്യം ഏറെ സഹായകരമാണ്.

ആവശ്യമായ രേഖകൾ നിർബന്ധം—

ആധാർ വിവരങ്ങൾ അപ്ഡേറ്റ് ചെയ്യുമ്പോൾ ചില അധികൃത രേഖകൾ സമർപ്പിക്കേണ്ടത് നിർബന്ധമാണ്.

ജനനത്തീയതി തിരുത്താൻ ജനന സർട്ടിഫിക്കറ്റ്.

വിലാസം മാറ്റാൻ വോട്ടർ ഐഡി, വൈദ്യുതി ബിൽ, ഗ്യാസ് ബിൽ തുടങ്ങിയ രേഖകൾ.

പാസ്‌പോർട്ട് പോലുള്ള തിരിച്ചറിയൽ രേഖകളും ഉപയോഗിക്കാം.

പുതിയ ആധാർ മൊബൈൽ ആപ്പ്—

ആധാർ സേവനങ്ങൾ കൂടുതൽ എളുപ്പമാക്കാൻ കേന്ദ്ര സർക്കാർ പുതിയ ആധാർ മൊബൈൽ ആപ്പ് അവതരിപ്പിച്ചിട്ടുണ്ട്. ഈ ആപ്പ് വഴി വീട്ടിൽ നിന്ന് തന്നെ ചില ആധാർ സേവനങ്ങൾ ലഭ്യമാകും.

മൊബൈൽ നമ്പർ, പേര്, വിലാസം തുടങ്ങിയ വിവരങ്ങൾ പുതുക്കാൻ ഇനി പലപ്പോഴും ആധാർ കേന്ദ്രങ്ങളിൽ പോയി നീണ്ട ക്യൂ നിൽക്കേണ്ട സാഹചര്യം കുറയും.

ഡിജിറ്റൽ കാലഘട്ടത്തിൽ ആധാർ വിവരങ്ങളുടെ കൃത്യതയും സുരക്ഷയും ഉറപ്പാക്കുന്നത് ഏറെ പ്രധാനമാണ്. പുതിയ നിയന്ത്രണങ്ങൾ തട്ടിപ്പുകൾ കുറയ്ക്കാനും രേഖകളുടെ വിശ്വാസ്യത വർധിപ്പിക്കാനും സഹായിക്കുമെന്നാണ് സർക്കാർ പ്രതീക്ഷിക്കുന്നത്. അതേസമയം, മൊബൈൽ ആപ്പുകൾ പോലുള്ള പുതിയ സംവിധാനങ്ങൾ വഴി ജനങ്ങൾക്ക് കൂടുതൽ സൗകര്യപ്രദമായ ആധാർ സേവനങ്ങൾ ലഭ്യമാക്കാനാണ് ശ്രമം.

പട്ടാപ്പകൽ ജനവാസ മേഖലയിലേക്കിറങ്ങി കാട്ടുപന്നി; ബൈക്ക് യാത്രികനെ കുത്തി തെറിപ്പിച്ചു, പരിക്ക്

Pauly Vadakkan
-
0
പട്ടാപ്പകൽ ജനവാസ മേഖലയിലേക്കിറങ്ങി കാട്ടുപന്നി; ബൈക്ക് യാത്രികനെ കുത്തി തെറിപ്പിച്ചു, പരിക്ക്

കോഴിക്കോട്: മുക്കം അങ്ങാടിക്ക് സമീപം പട്ടാപ്പകൽ കാട്ടുപന്നിയുടെ ആക്രമണം. മുത്താലം-വട്ടോളി റോഡിലൂടെ വരികയായിരുന്നു ബൈക്ക് യാത്രികനെ കാട്ടുപന്നി കുത്തി തെറിപ്പിച്ചു. റോഡിലേക്ക് തെറിച്ചു വീണ യുവാവ് നിസാര പരിക്കുകളോടെ രക്ഷപെട്ടു. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ജനവാസ മേഖലയിലേക്കാണ് കാട്ടുപന്നി പാഞ്ഞെത്തിയത് . റോഡിൽ തിരക്ക് കുറവായതിനാൽ വലിയ അപകടമാണ് ഒഴിവായത്. മറ്റാർക്കും അപകടത്തിൽ പരിക്കേറ്റിട്ടില്ല എന്നത് ആശ്വാസമാണ്.

കഴിഞ്ഞ ഒരാഴ്ചയ്ക്കിടെ സംസ്ഥാനത്ത് കാട്ടുപന്നി ആക്രമണത്തിന്റെ നിരവധി വാർത്തകൾ പുറത്തുവന്നിരുന്നു. കഴിഞ്ഞ ദിവസം ഇടുക്കി കാന്തല്ലൂർ കോവിൽക്കടവ് ടൗണിന് സമീപമുള്ള കൃഷിയിടത്തിൽെവച്ച് കാട്ടുപന്നിയുടെ ആക്രമണത്തിൽ കർഷകന് പരിക്കേറ്റിരുന്നു. പയസ് നഗർ പൂഴിക്കുന്നേൽ വീട്ടിൽ സൈമൺ ഉതുപ്പി (55) നാണ് കാലിൽ ഗുരുതരമായി പരിക്കേറ്റത്. ചൊവ്വാഴ്ച വൈകീട്ട് അഞ്ചിന് കൃഷിയിടത്തിൽ നില്ക്കുകയായിരുന്ന സൈമണ് നേരെ കാട്ടുപന്നി പാഞ്ഞടുത്തത്. പരിക്കേറ്റ സൈമണെ മറയൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

ചൊവ്വാഴ്ച തന്നെ ആലപ്പുഴ നൂറനാട് ഉണ്ടായ കാട്ടുപന്നി ആക്രമണത്തിൽ വീട്ടമ്മയ്ക്ക് പരിക്കേറ്റിരുന്നു . പടനിലം കിടങ്ങയം സ്വദേശി മേരിക്കുട്ടിയെയാണ് കാട്ടുപന്നി ആക്രമിച്ചത്. ചൊവ്വ രാവിലെ ഒന്പതിന്‌ സ്വന്തം പുരയിടത്തിൽ വച്ച്‌ ആൺ ഇവരെ കാട്ടുപന്നി കുത്തിയത്. രാവിലെ പുരയിടത്തിൽ വിറക് ശേഖരിക്കാൻ പോയ മേരിക്കുട്ടിയമ്മ ശബ്‌ദം കേട്ട് നോക്കുമ്പോൾ കാട്ടുപന്നി നേരെ വരുന്നതാണ് കണ്ടത്. മാറാൻ ശ്രമിച്ച മേരിക്കുട്ടിയെ കൈക്ക് കുത്തി മറിച്ചിട്ടു. വീഴ്‌ചയിൽ കൈയിലുണ്ടായിരുന്ന ഒരു പവന്റെ സ്വർണവള കാണാതായി. തൊട്ടടുത്ത് കവുങ്ങിന്‌ വെള്ളമൊഴിക്കുകയായിരുന്ന സ്‌ത്രീകൾ മേരിയുടെ ശബ്‌ദം കേട്ട് ഓടിയെത്തി. ഉടൻ ആശുപത്രിയിലെത്തിച്ചു. കഴിഞ്ഞമാസം നൂറനാട് പടനിലത്ത്‌ തൊഴിലുറപ്പ് തൊഴിലാളികളായ രണ്ട് സ്‌ത്രീകളെ കാട്ടുപന്നി കുത്തി പരിക്കേൽപ്പിച്ചിരുന്നു.

ബിസിനസ് വിജയത്തിന് എഐ ഏജന്റുമാര്‍ നിര്‍ണായകമാണെന്ന് 91% ഇന്ത്യന്‍ സെയില്‍സ് പ്രൊഫഷണലുകള്‍

Pauly Vadakkan
-
0
ബിസിനസ് വിജയത്തിന് എഐ ഏജന്റുമാര്‍ നിര്‍ണായകമാണെന്ന് 91% ഇന്ത്യന്‍ സെയില്‍സ് പ്രൊഫഷണലുകള്‍

കൊച്ചി: ലോകത്തെ മുന്‍നിര എഐ സിആര്‍എം കമ്പനിയായ സെയില്‍സ്‌ഫോഴ്‌സ് പുറത്തിറക്കിയ പുതിയ സ്റ്റേറ്റ് ഓഫ് സെയില്‍സ് റിപ്പോര്‍ട്ട് പ്രകാരം ഇന്ത്യയിലെ 91% സെയില്‍സ് പ്രൊഫഷണലുകള്‍ എഐ ഏജന്റുകള്‍ ബിസിനസ് വിജയത്തിന് നിര്‍ണായകമാണെന്ന് അഭിപ്രായപ്പെട്ടു. 2026ല്‍ സെയില്‍സ് ലക്ഷ്യങ്ങള്‍ നേടുന്നതിനായി നിരവധി സ്ഥാപനങ്ങള്‍ എഐ സാങ്കേതികവിദ്യയിലേക്കാണ് കൂടുതല്‍ ശ്രദ്ധ തിരിക്കുന്നത്.

റിപ്പോര്‍ട്ടില്‍ പറയുന്നതനുസരിച്ച്, ഇന്ത്യയിലെ 90% സെയില്‍സ് സ്ഥാപനങ്ങളും ഇതിനകം തന്നെ പ്രോസ്‌പെക്ടിംഗ്, ഫോര്‍കാസ്റ്റിംഗ്, ലീഡ് സ്‌കോറിംഗ്, ഇമെയില്‍ തയ്യാറാക്കല്‍ തുടങ്ങിയ പ്രവര്‍ത്തനങ്ങള്‍ക്ക് എഐ ഉപയോഗിക്കുന്നു. എഐ ഉപയോഗിക്കുന്ന സെയില്‍സ് പ്രൊഫഷണലുകളില്‍ 94% പേര്‍ ഇത് ഉപഭോക്താക്കളെ കൂടുതല്‍ നന്നായി മനസ്സിലാക്കാന്‍ സഹായിക്കുന്നുവെന്ന് പറഞ്ഞു. കൂടാതെ 89% പേര്‍ക്ക് ജോലി സമ്മര്‍ദ്ദം കുറയ്ക്കാന്‍ സഹായിക്കുന്നുവെന്നും റിപ്പോര്‍ട്ട് വ്യക്തമാക്കുന്നു.

എഐ ഏജന്റുകളുടെ ഉപയോഗം വേഗത്തില്‍ വര്‍ധിച്ചുവരികയാണ്. ഇന്ത്യയിലെ 54% സെയില്‍സ് പ്രൊഫഷണലുകള്‍ ഇതിനകം എഐ ഏജന്റുകള്‍ ഉപയോഗിച്ചിട്ടുണ്ടെന്നും 2027ഓടെ 43% പേര്‍ കൂടി ഇത് ഉപയോഗിക്കാന്‍ പദ്ധതിയിടുന്നതായും റിപ്പോര്‍ട്ട് പറയുന്നു. എഐ ഏജന്റുകള്‍ ഉപയോഗിക്കുന്നതിലൂടെ പ്രോസ്‌പെക്ട് റിസര്‍ച്ച് സമയം 35 ശതമാനവും ഇമെയില്‍ തയ്യാറാക്കുന്നതിനുള്ള സമയം 38 ശതമാനവും കുറയുമെന്നാണ് പ്രതീക്ഷിക്കുന്നത്.

റിപ്പോര്‍ട്ടില്‍ പറയുന്നതനുസരിച്ച്, 58% ഇന്ത്യന്‍ സെയില്‍സ് പ്രതിനിധികള്‍ക്ക് അവരുടെ ജോലിയില്‍ ഏറ്റവും ബുദ്ധിമുട്ടുള്ള ഭാഗം ‘കോള്‍ഡ് കോളിംഗ്’ ആണെന്ന് പറയുന്നു. ഇതിനൊപ്പം, 61% പേര്‍ക്ക് ആവശ്യമായ തോതില്‍ പുതിയ ഉപഭോക്താക്കളെ സമീപിക്കാന്‍ സമയം ലഭിക്കുന്നില്ലെന്നും വ്യക്തമാക്കുന്നു. ഇതിന് പരിഹാരമായി 54% പേര്‍ എഐ ഉപയോഗിച്ച് പ്രോസ്‌പെക്ടിംഗ് നടത്തുന്നു.

ഡാറ്റയുടെ ഗുണമേന്മയും എഐ ഉപയോഗത്തില്‍ പ്രധാനമാണെന്ന് റിപ്പോര്‍ട്ട് ചൂണ്ടിക്കാണിക്കുന്നു. ഇന്ത്യയിലെ 82% സെയില്‍സ് പ്രൊഫഷണലുകള്‍ എഐ കൂടുതല്‍ ഫലപ്രദമാക്കാന്‍ ഡാറ്റാ ക്ലീനിംഗ് നടപടികള്‍ക്ക് മുന്‍ഗണന നല്‍കുന്നുണ്ട്.

ഇന്ത്യ പോലുള്ള മത്സരാധിഷ്ഠിത വിപണിയില്‍ സെയില്‍സ് മേഖലയിലെ പ്രവര്‍ത്തനം ‘ഹസില്‍’ മോഡില്‍ നിന്ന് ‘ഹൈപ്രസിഷന്‍’ മോഡിലേക്ക് മാറുകയാണെന്നും എഐ ഏജന്റുകള്‍ ടീമുകള്‍ക്ക് സമയം ലാഭിക്കാനും ഉപഭോക്താക്കളുമായി വിശ്വാസം വളര്‍ത്താനും സഹായിക്കുന്നുവെന്നും സെയില്‍സ്‌ഫോഴ്‌സ് സൗത്ത് ഏഷ്യ ചീഫ് ഓപ്പറേറ്റിംഗ് ഓഫീസറും എസ്‌വിപിയുമായ സംഗീത ഗിരി പറഞ്ഞു.

ഈ പഠനത്തിനായി ലോകത്തെ വിവിധ രാജ്യങ്ങളില്‍ നിന്നുള്ള 4,050 സെയില്‍സ് പ്രൊഫഷണലുകളില്‍ നടത്തിയ സര്‍വേയുടെ ഡാറ്റയാണ് ഉപയോഗിച്ചത്. ഇന്ത്യയില്‍ നിന്നുള്ള 250 പേരും സര്‍വേയില്‍ പങ്കെടുത്തു.

കൊച്ചിയിൽ എംഡിഎംഎയും കഞ്ചാവുമായി ഫുഡ് വ്ലോഗറും സുഹൃത്തും അറസ്റ്റിൽ

Pauly Vadakkan
-
0
കൊച്ചിയിൽ എംഡിഎംഎയും കഞ്ചാവുമായി ഫുഡ് വ്ലോഗറും സുഹൃത്തും അറസ്റ്റിൽ

കൊച്ചി: കൊച്ചിയിൽ ലഹരിയുമായി യുവാക്കൾ പിടിയിൽ. എംഡിഎംഎയും കഞ്ചാവുമായി ഫുഡ് വ്ലോഗറും സുഹൃത്തുമാണ് അറസ്റ്റിലായത്. ഫുഡ് വ്ലോഗറായ തൃശൂര്‍ കൊടുങ്ങല്ലൂര്‍ അഴീക്കോട് സ്വദേശി മുഹമ്മദ് ആദില്‍ (21), മലപ്പുറം പെരിന്തല്‍മണ്ണ കുറുവ കൂട്ടിലങ്ങാടിക്കരയില്‍ സ്വദേശി മുഹമ്മദ് ഷാമില്‍ (20) എന്നിവരാണ് എക്‌സൈസിന്റെ പിടിയിലായത്. രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. ഇവരില്‍നിന്ന് 7.520 ഗ്രാം എം.ഡി.എം.എയും അഞ്ചുഗ്രാം കഞ്ചാവും കണ്ടെത്തി. ആദില്‍ സിനിമകളില്‍ ജൂനിയര്‍ ആര്‍ട്ടിസ്റ്റുമാണ്. പ്രതികളെ വിശദമായി ചോദ്യം ചെയ്ത് വരികയാണ്.

മറ്റൊരു സംഭവത്തിൽ മട്ടാഞ്ചേരിയിൽ രാസ ലഹരിമരുന്നുമായി കഴിഞ്ഞ ദിവസം രണ്ടുപേര്‍ പിടിയിലായി. മുണ്ടംവേലി ചിറ്റേഴത്ത് സി ആര്‍ സേവ്യര്‍ റില്‍ഫിന്‍, മുണ്ടംവേലി ബാവക്കാട്ട് ജേക്കബ് തോംസന്‍ (ടോണി) എന്നിവരാണ് പിടിയിലായത്. ഞായറാഴ്ച പള്ളുരുത്തി ചിറക്കല്‍ പാലത്തിനുസമീപം വാഹനപരിശോധനയ്ക്കിടെ സേവ്യര്‍ റില്‍ഫിനില്‍നിന്ന്‌ 0.32 ഗ്രാം എംഡിഎംഎയും 16,000 രൂപയും വാഹനവും പൊലീസ് പിടിച്ചെടുത്തു. തുടര്‍ന്ന് നടത്തിയ അന്വേഷണത്തിലാണ് ജേക്കബ് തോംസന്റെ വീട്ടില്‍ ഇരുവരും ചേര്‍ന്ന് വില്‍പ്പനയ്‌ക്കായി സൂക്ഷിച്ച 27.87 ഗ്രാം എംഡിഎംഎയും രണ്ട് ലക്ഷത്തോളം രൂപയും പിടിച്ചെടുത്തത്‌.

തൃശൂര്‍ ചിമ്മിനി വനത്തിൽ കാട്ടാന ആക്രമണം; ഫോറസ്റ്റ് വാച്ചർക്ക് ദാരുണാന്ത്യം

Pauly Vadakkan
-
0
തൃശൂര്‍ ചിമ്മിനി വനത്തിൽ കാട്ടാന ആക്രമണം; ഫോറസ്റ്റ് വാച്ചർക്ക് ദാരുണാന്ത്യം

തൃശൂർ: തൃശൂർ ചിമ്മിനി വനത്തിൽ വെച്ചുണ്ടായ കാട്ടാന ആക്രമണത്തിൽ ഫോറസ്റ്റ് വാച്ചർ മരിച്ചു. എച്ചിപ്പാറ ഉന്നതിയിലെ മലയന്‍ വീട്ടില്‍ കുമാറാണ് മരിച്ചത്. 42 വയസായിരുന്നു. ഉള്‍ക്കാട്ടില്‍ വിറകുതോട് ഭാഗത്ത് വെച്ചാണ് കുമാറിന് നേരെ കാട്ടാനയുടെ ആക്രമണമുണ്ടായത്. ഇന്ന് രാവിലെ ആയിരുന്നു സംഭവം. ഫയർലൈൻ ജോലിക്കിടെ കുമാറിനെ കാട്ടാന അക്രമിക്കുകയായിരുന്നു. കുമാറിനൊപ്പമുണ്ടായിരുന്ന ഫോറസ്റ്റ് ഉദ്യോഗസ്ഥനും രണ്ട് വാച്ചർമാരും തലനാരിഴയ്ക്കാണ് പരിക്കേൽക്കാതെ രക്ഷപെട്ടത്.

കഴിഞ്ഞ ദിവസവും കാട്ടാന ആക്രമണത്തിൽ മറ്റൊരു ഫോറസ്റ്റ് വാച്ചറുടെ ജീവൻ നഷ്ടമായിരുന്നു. പാലക്കാട് മണ്ണാർക്കാട് ആയിരുന്നു സംഭവം. ജനവാസ മേഖലയിലിറങ്ങിയ ആനയെ തുരത്താൻ ശ്രമിക്കുന്നതിനിടെ കച്ചേരിപ്പറമ്പ് കരടിയോട് ഫോറസ്റ്റ് വാച്ചർ ഷൈജുവാണ് മരിച്ചത്. ചൊവ്വാഴ്ച വൈകുന്നേരമായിരുന്നു സംഭവം.

മണ്ണാർക്കാട് തിരുവിഴാംകുന്നിലാണ് രണ്ട് കാട്ടാനകൾ ജനവാസ മേഖലയിലേക്ക് ഇറങ്ങി എന്ന് നാട്ടുകാർ അറിയിച്ചതിനെ തുടർന്നാണ് പത്തം​ഗ ഫോറസ്റ്റ് ഉദ്യോ​ഗസ്ഥർ കാട്ടാനകളെ തുരത്താനായി പ്രദേശത്ത് എത്തിയത്. ഇതിനിടെ ഒരു കാട്ടാന തിരിഞ്ഞു വന്ന് ഷൈജുവിനെ ആക്രമിക്കുകയായിരുന്നു. സംഭവ സ്ഥലത്ത് വെച്ച് തന്നെ ഷൈജു മരിച്ചു.

കൊച്ചി മെട്രോ; കലൂർ സ്റ്റേഡിയത്തിൽ നിന്നു നിർമാണം ആരംഭിച്ച ലൈനിന്റെ 11–ാം നമ്പർ തൂൺ ഇതുവരെ നിർമിക്കാനായിട്ടില്ല, ഒരു തൂണിന്റെ കാര്യത്തിൽ അമാന്തം, വൻ വാഹനത്തിരക്ക്

Pauly Vadakkan
-
0
കൊച്ചി മെട്രോ; കലൂർ സ്റ്റേഡിയത്തിൽ നിന്നു നിർമാണം ആരംഭിച്ച ലൈനിന്റെ 11–ാം നമ്പർ തൂൺ ഇതുവരെ നിർമിക്കാനായിട്ടില്ല, ഒരു തൂണിന്റെ കാര്യത്തിൽ അമാന്തം, വൻ വാഹനത്തിരക്ക്

കൊച്ചി: കൊച്ചി മെട്രോയുടെ കാക്കനാട്ടേക്കുള്ള രണ്ടാം ഘട്ട നിർമ്മാണ പ്രവർത്തനങ്ങൾ ഡിസംബർ മാസത്തോടെ പൂർത്തിയാക്കുന്നതിനായുള്ള അതിവേഗ പ്രവർത്തികൾ നടക്കുകയാണ്. എന്നാൽ കലൂർ സ്റ്റേഡിയത്തിൽ നിന്നു നിർമാണം തുടങ്ങിയ ലൈനിന്റെ 11–ാം നമ്പർ തൂൺ ഇതുവരെ നിർമിക്കാനായിട്ടില്ല. പൈലിങ് നടത്തേണ്ട ഭാഗത്തെ യൂട്ടിലിറ്റി ഷിഫ്റ്റിങ് പോലും നടത്തിയിട്ടില്ലെന്നതാണ് വസ്തുത. കാക്കനാട് ഇൻഫോ പാർക്ക് വരെയുള്ള എല്ലാ സ്റ്റേഷനുകളുടെയും നിർമ്മാണം നിലവിൽ ആരംഭിച്ചിട്ടുണ്ട്. സിവിൽ ജോലികൾ ഡിസംബറിൽ പൂർത്തിയാക്കുന്നതനുസരിച്ച് യഡക്ടിനു മുകളിൽ പാളം ഇടാനുള്ള കരാറും അന്തിമമാക്കാൻ പോകുകയാണ്.

ഒന്നു മുതൽ 9 വരെ തൂണുകൾ പൂർത്തിയായി. 10, 12 തൂണുകളുടെ നിർമാണം ഉടൻ ആരംഭിക്കും. ഇവിടെ പൈപ്പുകളും കേബിളുകളും മാറ്റി, യൂട്ടിലിറ്റി ഡക്ട് നിർമിച്ചു. രണ്ടു ദിവസത്തിനകം 10 മുതൽ തൂണുകളുടെ പൈലിങ് തുടങ്ങും. അപ്പോഴും 11 –ാം പില്ലറിന്റെ നിർമാണം തുടങ്ങാൻ ആയിട്ടില്ല. പാലാരിവട്ടം മുതൽ സ്റ്റേഡിയം വരെയുള്ള ഈ ഭാഗത്ത് വൻ വാഹനത്തിരക്കാണ്. എത്രയും വേഗം മെട്രോ നിർമാണം തീരണമെന്ന് പൊതുജനങ്ങൾ ആവശ്യപ്പെടുമ്പോൾ ഒരു തൂണിന്റെ കാര്യത്തിൽ അമാന്തം തുടരുകയാണ്. സൗത്ത് ജനതാ റോഡിന് സമീപമാണ് ഇതുവരെ തുടങ്ങാത്ത, 11–ാം തൂണിന്റെ സ്ഥാനം. 40 തൂണുകളാണ് ഇവിടെ പണിയേണ്ടത്.

11–ാം തൂൺ നിർമ്മിക്കാനാവശ്യമായ സ്ഥലം വിട്ടുകൊടുക്കുന്നതു സംബന്ധിച്ചു ഉടമ നൽകിയ കേസിൽ ഇതുവരെ തീരുമാനമുണ്ടാകാത്ത സാഹചര്യത്തിലാണ് പണികൾ ആരംഭിക്കാനാവാത്തതെന്നാണ് പ്രദേശവാസികൾ പറയുന്നത്. 11 –ാം നമ്പർ തൂണിന്റെ സ്ഥാനം ഒഴിച്ചിട്ട് മറ്റ് തൂണുകൾ നിർമിക്കാമെന്നു വച്ചാൽ അതിന് ഒട്ടേറെ പരിമിതികളുണ്ട്. വാട്ടർ അതോറിറ്റി പൈപ്പ് ഒരു തൂണിന്റെ ഭാഗത്തുമാത്രം മാറ്റിയിടാതിരിക്കാനാവില്ല. കേബിളുകളുടെ കാര്യവും അതുതന്നെ. പൈലിങ്ങിനുള്ള റിഗ് ഒരു തൂണിനു മാത്രമായി കൊണ്ടുവരാനാവില്ല. ഒരു തൂണിനു മാത്രമായി ബാരിക്കേഡും എളുപ്പമല്ല. എന്തുകൊണ്ടും ഇത്തരത്തിൽ ഒരു തൂണിന്റെ നിർമ്മാണം കുടുങ്ങിക്കിടക്കുന്നത് വലിയ നഷ്ടമാണുണ്ടാക്കുന്നത്. അതുകൊണ്ടുതന്നെ 11 –ാം നമ്പർ തൂണ് മെട്രോയുടെ മൊത്തം നിർമാണത്തിനും തടസമായി നിൽക്കുകയാണ്.

ബഹ്‌റൈനിലെ ഇന്ധന ടാങ്കുകൾക്ക് നേരെ ഇറാന്റെ ആക്രമണം; ജനങ്ങൾക്ക് ജാഗ്രതാ നിർദ്ദേശം

Pauly Vadakkan
-
0
ബഹ്‌റൈനിലെ ഇന്ധന ടാങ്കുകൾക്ക് നേരെ ഇറാന്റെ ആക്രമണം; ജനങ്ങൾക്ക് ജാഗ്രതാ നിർദ്ദേശം

ബഹ്‌റൈനിലെ മുഹറഖ് ഗവർണറേറ്റിലുള്ള ഇന്ധന സംഭരണ ശാലകൾക്ക് നേരെ വ്യാഴാഴ്ച പുലർച്ചെ ഇറാന്റെ ആക്രമണം ഉണ്ടായി. ആഭ്യന്തര മന്ത്രാലയം ആണ് ഇക്കാര്യം റിപ്പോർട്ട് ചെയ്തത്. ആക്രമണത്തെത്തുടർന്ന് സുരക്ഷാ സേന ഉടൻ തന്നെ സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കുകയും കൂടുതൽ നാശനഷ്ടങ്ങൾ ഉണ്ടാകുന്നത് തടയുകയും ചെയ്തു.

ഹിദ്ദ്, അറാദ്, ഖലാലി, സമാഹീജ് എന്നീ മേഖലകളിലുള്ളവർ അതീവ ജാഗ്രത പാലിക്കണമെന്ന് ആഭ്യന്തര മന്ത്രാലയം അറിയിച്ചു. ഈ ഭാഗങ്ങളിൽ നിലവിൽ അണച്ചുകൊണ്ടിരിക്കുന്ന തീപിടുത്തത്തെത്തുടർന്നുണ്ടാകുന്ന പുക ശ്വസിക്കുന്നത് ഒഴിവാക്കാൻ മുൻകരുതൽ നടപടികൾ സ്വീകരിക്കണമെന്നാണ് നിർദ്ദേശം.

മേഖലയിലെ താമസക്കാർ വീടുകൾക്കുള്ളിൽ തന്നെ കഴിയണമെന്നും ജനലുകളും വെന്റിലേഷൻ ദ്വാരങ്ങളും പൂർണ്ണമായും അടച്ചിടണമെന്നും മന്ത്രാലയം അഭ്യർത്ഥിച്ചു. നിലവിൽ തീയണയ്ക്കാനുള്ള ശ്രമങ്ങൾ തുടരുകയാണെന്നും കൂടുതൽ വിവരങ്ങൾ യഥാസമയം അറിയിക്കുമെന്നും ആഭ്യന്തര മന്ത്രാലയം വ്യക്തമാക്കി.

അതേസമയം, രാജ്യത്തിന് നേരെ ഇറാൻ നടത്തുന്ന ഭീകരാക്രമണങ്ങളെ കരുത്തോടെ നേരിട്ട് ബഹ്‌റൈൻ പ്രതിരോധ സേന. ആക്രമണം ആരംഭിച്ചത് മുതൽ ഇതുവരെ ബഹ്‌റൈനെ ലക്ഷ്യമിട്ടെത്തിയ 108 മിസൈലുകളും 177 ഡ്രോണുകളും വ്യോമപ്രതിരോധ സംവിധാനങ്ങൾ ഉപയോഗിച്ച് തകർത്തതായി ബി.ഡി.എഫ് ജനറൽ കമാൻഡ് അറിയിച്ചു.

‘മത്സരിക്കുമെന്ന് ആരോടും പറഞ്ഞിട്ടില്ല, പാർട്ടിക്കെതിരെ പരാതിയുമില്ല’; അഭ്യൂഹങ്ങൾ തള്ളി ജി. സുധാകരൻ

Pauly Vadakkan
-
0
‘മത്സരിക്കുമെന്ന് ആരോടും പറഞ്ഞിട്ടില്ല, പാർട്ടിക്കെതിരെ പരാതിയുമില്ല’; അഭ്യൂഹങ്ങൾ തള്ളി ജി. സുധാകരൻ

തിരഞ്ഞെടുപ്പിൽ മത്സരിക്കുമെന്ന വാർത്തകൾ തള്ളി മുതിർന്ന സി.പി.എം നേതാവ് ജി. സുധാകരൻ. താൻ മത്സരിക്കാൻ പോകുന്നതിനെക്കുറിച്ച് ആർക്കും ഒരു വാഗ്ദാനവും നൽകിയിട്ടില്ലെന്നും നിലവിൽ പ്രചരിക്കുന്നതെല്ലാം അടിസ്ഥാനരഹിതമായ കാര്യങ്ങളാണെന്നും അദ്ദേഹം വ്യക്തമാക്കി.
താൻ യു.ഡി.എഫ് സ്ഥാനാർത്ഥിയാകുമെന്നോ മറ്റ് പ്രതിപക്ഷ പാർട്ടികളുമായി ചർച്ച നടത്തിയെന്നോ ഉള്ള പ്രചാരണങ്ങളിൽ സത്യമില്ല. സി.പി.എമ്മിനെതിരെ തനിക്ക് പരാതികളൊന്നുമില്ല. എം.എ ബേബി കഴിഞ്ഞ ദിവസം വീട്ടിലെത്തി തന്നെ കണ്ടിരുന്നു. ആരുടെയും നിർബന്ധത്തിന് വഴിയല്ല താൻ രാഷ്ട്രീയത്തിൽ വന്നത്. സ്വന്തം ഇഷ്ടപ്രകാരമാണ് പാർട്ടിയിൽ ചേർന്നതും പ്രവർത്തിച്ചതും എന്നും അദ്ദേഹം കൂട്ടിച്ചേർത്തു.

ഇറാനിലെ മിനാബിൽ പെൺകുട്ടികളുടെ സ്കൂളിന് നേരെയുണ്ടായ മിസൈൽ ആക്രമണം അമേരിക്കയുടെ സാങ്കേതിക പിഴവ് മൂലം സംഭവിച്ചത്; റിപ്പോർട്ട് പുറത്ത്

Pauly Vadakkan
-
0
ഇറാനിലെ മിനാബിൽ പെൺകുട്ടികളുടെ സ്കൂളിന് നേരെയുണ്ടായ മിസൈൽ ആക്രമണം അമേരിക്കയുടെ സാങ്കേതിക പിഴവ് മൂലം സംഭവിച്ചത്; റിപ്പോർട്ട് പുറത്ത്

വാഷിംഗ്‌ടൺ: ഇറാനിയൻ പ്രാഥമിക വിദ്യാലയത്തിൽ നടന്ന മാരകമായ ടോമാഹോക്ക് മിസൈൽ ആക്രമണത്തിന് ഉത്തരവാദി അമേരിക്കയാണെന്ന് നടന്നുകൊണ്ടിരിക്കുന്ന സൈനിക അന്വേഷണത്തിൽ കണ്ടെത്തിയെന്ന് റിപ്പോർട്ടുകൾ. ഇറാനിലെ മിനാബിൽ പെൺകുട്ടികളുടെ സ്കൂളിന് നേരെയുണ്ടായ മിസൈൽ ആക്രമണത്തിന് ഉത്തരവാദികൾ അമേരിക്കയാണെന്നും, അമേരിക്കക്ക് പറ്റിയ സാങ്കേതിക പിഴവ് മൂലമാണ് ആ ആക്രമണം സംഭിച്ചതെന്നുമാണ് പുതിയ റിപ്പോർട്ടുകൾ.

പഴയ ഡാറ്റ ഉപയോഗിച്ച് ലക്ഷ്യം നിർണയിച്ചതിലുണ്ടായ പാകപ്പിഴയാണ് (Targeting Error) ഈ വൻ ദുരന്തത്തിന് കാരണമായതെന്ന് റോയിട്ടേഴ്‌സ് റിപ്പോർട്ട് ചെയ്യുന്നു. മിസൈൽ ലക്ഷ്യം തെറ്റി സ്കൂളിൽ പതിക്കുകയായിരുന്നുവെന്ന് രണ്ട് ഔദ്യോഗിക സ്രോതസുകളെ ഉദ്ധരിച്ചാണ് വാർത്ത പുറത്തുവന്നത്.

ഇറാനെതിരായ അമേരിക്കയുടെയും ഇസ്രായേലിന്റെയും സംയുക്ത സൈനിക നീക്കത്തിന്റെ ആദ്യ ഘട്ടത്തിലാണ് ഈ ദാരുണമായ സംഭവം നടന്നത്. ആക്രമണത്തിൽ 150 വിദ്യാർഥികളാണ് കൊല്ലപ്പെട്ടത്. മിസൈൽ പതിച്ചതിനെത്തുടർന്ന് സ്കൂൾ കെട്ടിടത്തിന് കനത്ത നാശനഷ്ടങ്ങൾ സംഭവിക്കുകയും പ്രദേശം പൂർണമായും തകരുകയും ചെയ്തു. നിലവിൽ നടന്നുവരുന്ന യുഎസ് ആഭ്യന്തര സൈനിക അന്വേഷണത്തിൽ ആക്രമണത്തിന് പിന്നിൽ അമേരിക്കൻ സേനയാണെന്ന് ഏകദേശം വ്യക്തമായിട്ടുണ്ട്.

ആക്രമണത്തിന് പിന്നിൽ അമേരിക്കയാണെന്ന വാർത്തകൾ പുറത്തുവന്നതിന് പിന്നാലെ, സംഭവത്തിൽ ഇറാന് പങ്കുണ്ടെന്ന് തെളിവുകളില്ലാതെ യുഎസ് പ്രസിഡന്റ് ഡൊണാൾഡ് ട്രംപ് ആദ്യം അവകാശപ്പെട്ടിരുന്നു. എന്നാൽ പിന്നീട് നിലപാട് മാറ്റിയ അദേഹം, സംഭവത്തെക്കുറിച്ച് തനിക്ക് വേണ്ടത്ര അറിവില്ലെന്നും അന്വേഷണം നടക്കുന്നുണ്ടെന്നും വ്യക്തമാക്കി. അന്വേഷണ റിപ്പോർട്ടിലെ കണ്ടെത്തലുകൾ അംഗീകരിക്കുമെന്നും അദേഹം കൂട്ടിച്ചേർത്തു.

സംഭവത്തിൽ ഇറാൻ ഭരണകൂടം തങ്ങളുടെ ശക്തമായ പ്രതിഷേധം രേഖപ്പെടുത്തിയിട്ടുണ്ട്. ഈ സാങ്കേതിക പിഴവ് പശ്ചിമേഷ്യയിലെ സമാധാനശ്രമങ്ങൾക്ക് വലിയ തിരിച്ചടിയാകുമെന്നാണ് രാജ്യാന്തര നിരീക്ഷകർ വിലയിരുത്തുന്നത്. മിസൈലിന്റെ പാത മാറിയതിനെക്കുറിച്ചും അത്ഭുതകരമായ രീതിയിൽ ലക്ഷ്യം തെറ്റിയതിനെക്കുറിച്ചും അമേരിക്കൻ സൈനിക വൃത്തങ്ങൾ നിലവിൽ വിശദമായ അന്വേഷണം നടത്തിവരികയാണ്.

അതേസമയം അമേരിക്കയും ഇസ്രയേലും തങ്ങളുടെ അവകാശങ്ങൾ അംഗീകരിച്ചാൽ സമാധാനത്തിന് തയ്യാറെന്ന് ഇറാൻ. യുദ്ധം അവസാനിപ്പിക്കാൻ ഇറാൻ പ്രസിഡന്‍റ് മസൂദ് പെസഷ്കിയാൻ മൂന്ന് നിബന്ധനകൾ മുന്നോട്ടു വച്ചു. ഇറാന്റെ പരമാധികാരം അംഗീകരിക്കണം, നാശനഷ്ടങ്ങൾക്ക് നഷ്ടപരിഹാരം വേണം, ഭാവിയിൽ സംഘർഷങ്ങളുണ്ടാകാതിരിക്കാൻ രാജ്യാന്തരതലത്തിലെ ഉറപ്പ് എന്നിവ അംഗീകരിച്ചാൽ ഈ യുദ്ധം അവസാനിപ്പിക്കാമെന്നാണ് ഇറാൻ പ്രസിഡന്‍റ് വ്യക്തമാക്കിയത്. റഷ്യയിലെയും പാകിസ്ഥാനിലെയും നേതാക്കളുമായി സംസാരിച്ചപ്പോഴും താൻ ഇക്കാര്യം വ്യക്തമാക്കിയെന്ന് മസൂദ് പെസഷ്കിയാൻ പറഞ്ഞു.

മലപ്പുറം കൊണ്ടോട്ടിയിൽ സ്വകാര്യ ബസും കാറും കൂട്ടിയിടിച്ച് അപകടം; മൂന്നു പേർ മരിച്ചു

Pauly Vadakkan
-
0
മലപ്പുറം കൊണ്ടോട്ടിയിൽ സ്വകാര്യ ബസും കാറും കൂട്ടിയിടിച്ച് അപകടം; മൂന്നു പേർ മരിച്ചു

മലപ്പുറം: മലപ്പുറം കൊണ്ടോട്ടിയിലുണ്ടായ വാഹനാപകടത്തിൽ മൂന്നുപേർക്ക് ദാരുണാന്ത്യം. കൊണ്ടോട്ടി മൊറയൂരിൽ സ്വകാര്യ ബസും കാറും കൂട്ടിയിടിച്ചുണ്ടായ അപകടത്തിലാണ് മൂന്നുപേർക്ക് ജീവൻ നഷ്ടമായത്. മലപ്പുറം മേലാറ്റൂർ സ്വദേശികളാണ് മരിച്ചതെന്നാണ് നിലവിൽ ലഭ്യമാക്കിയുന്ന വിവരം. അഞ്ച് പേർ സഞ്ചരിച്ച കാറാണ് അപകടത്തിൽപ്പെട്ടത്. പരിക്കേറ്റ മറ്റ് രണ്ടുപേരെ ആശുപത്രിയിൽ പ്രവേശിപ്പിച്ചിട്ടുണ്ട്. ഇവരുടെ പരിക്കുകൾ ഗുരുതരമല്ലെന്നാണ് വിവരം. കരിപ്പൂർ വിമാനത്താവളത്തിൽ ബന്ധുവിനെ ഇറക്കി മടങ്ങി വരികയായിരുന്ന കാറാണ് അപകടത്തിൽപ്പെട്ടത്. നിയന്ത്രണം വിട്ട കാർ എതിർ ദിശയിൽ വന്ന സ്വകാര്യ ബസിലേക്ക് നേരെ ഇടിച്ച് കയറുകയായിരുന്നു. ഡ്രൈവർ ഉറങ്ങിപ്പോയതാവാം അപടത്തിനിടയാക്കിയതെന്നാണ് പ്രാഥമിക നിഗമനം.

അപകടത്തെത്തുടർന്ന് നാട്ടുകാർ ഓടിക്കൂടി രക്ഷാപ്രവർത്തനം നടത്തി. വാഹനത്തിനുള്ളിൽ കുടുങ്ങിയവരെ ഏറെ പരിശ്രമിച്ചാണ് പുറത്തെടുത്തത്. പരിക്കേറ്റ എല്ലാവരെയും ഉടൻ തന്നെ സമീപത്തെ ആശുപത്രിയിൽ എത്തിച്ചെങ്കിലും മൂന്നു പേരുടെ ജീവൻ രക്ഷിക്കാനായില്ല. അപകടത്തിൽ കാർ പൂർണമായും തകർന്നു. ഡ്രൈവർ ഉറങ്ങിപ്പോയത് മൂലം വാഹനത്തിന്റെ നിയന്ത്രണം നഷ്ടപ്പെട്ടതാണെന്ന് നിഗമനം. പോലീസ് സംഭസ്ഥലത്തെത്തി തുടർനടപടികൾ സ്വീകരിച്ചു. മരിച്ചവരുടെ മൃതദേഹങ്ങൾ പോസ്റ്റ്‌മോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റിയിട്ടുണ്ട്. നടപടികൾ പൂർത്തിയായ ശേഷം മൃതദേഹത്തെ കുടുംബത്തിന് വിട്ടുനൽകും.

ഇരുവശവും കടൽ, നടുവിൽ ഒരു റോഡ്; ‘ഇന്ത്യയിലെ അവസാനത്തെ റോഡ്’! ഈ അത്ഭുത യാത്ര ആസ്വദിക്കാനെത്തുന്നത് നിരവധിപേർ

Pauly Vadakkan
-
0
ഇരുവശവും കടൽ, നടുവിൽ ഒരു റോഡ്; ‘ഇന്ത്യയിലെ അവസാനത്തെ റോഡ്’! ഈ അത്ഭുത യാത്ര ആസ്വദിക്കാനെത്തുന്നത് നിരവധിപേർ

ഭൂഖണ്ഡത്തിന്റെ അറ്റത്തേക്കുള്ള ഒരു യാത്രയെന്നാൽ അത് ഒരു സാധാരണ റോഡ് യാത്രയല്ല, മറിച്ച് പ്രകൃതിയുടെ അത്ഭുത സൗന്ദര്യവും ചരിത്രത്തിന്റെ നിശ്ശബ്ദ സാക്ഷ്യങ്ങളും ചേർന്നൊരു അനുഭവമാണ്. കടലിന്റെ നീല നിറം ഇരുവശത്തും വിരിഞ്ഞുകിടക്കുന്ന വഴിയിലൂടെ മുന്നോട്ട് നീങ്ങുമ്പോൾ, യാത്രക്കാരന് തോന്നുക ഇന്ത്യയുടെ അറ്റത്തേക്കാണ് താൻ പോകുന്നതെന്ന്. അതാണ് രാമേശ്വരത്തിൽ നിന്ന് ധനുഷ്കോടിയിലേക്കുള്ള ദേശീയപാത 87 , പലരും സ്നേഹത്തോടെ വിളിക്കുന്ന ‘ഇന്ത്യയിലെ അവസാനത്തെ റോഡ്’.

കടലിനിടയിലെ അത്ഭുതവഴി—

തമിഴ്നാട്ടിലെ രാമേശ്വരം ദ്വീപിൽ നിന്ന് ധനുഷ്കോടി വരെ നീളുന്ന ഈ റോഡ് ഏകദേശം 18 കിലോമീറ്ററോളം ദൂരമുണ്ട്. ഈ വഴിയുടെ പ്രത്യേകത എന്തെന്നാൽ, യാത്രക്കാർക്ക് ഇരുവശത്തും കടൽ കാണാനാകുന്നു. ഒരു വശത്ത് ബംഗാൾ ഉൾക്കടൽ, മറുവശത്ത് മന്നാർ ഉൾക്കടൽ. ഇങ്ങനെ രണ്ട് കടലുകളുടെ നടുവിലൂടെ പോകുന്ന അതുല്യമായ റോഡാണ് ഇത്.

ഈ റോഡിലൂടെ യാത്ര ചെയ്യുമ്പോൾ കടൽ കാറ്റും തിരമാലകളുടെ ശബ്ദവും യാത്രയെ കൂടുതൽ മനോഹരമാക്കും. പ്രത്യേകിച്ച് സൂര്യോദയവും സൂര്യാസ്തമയവും കാണാൻ ഇവിടെ എത്തുന്നവർ അനേകം. ഫോട്ടോഗ്രാഫർമാർക്കും സഞ്ചാരപ്രേമികൾക്കും ഇത് ഒരു സ്വർഗ്ഗം പോലെയാണ്.

ധനുഷ്കോടിയുടെ ചരിത്രം—

ധനുഷ്കോടി ഒരിക്കൽ ജനവാസമുള്ള ഒരു ചെറിയ പട്ടണമായിരുന്നു. എന്നാൽ 1964-ലെ ഭീകര ചുഴലിക്കാറ്റ് ഈ പട്ടണത്തെ തകർത്തു. അതിനുശേഷം ധനുഷ്കോടിയെ ‘ഭൂതനഗരം’ എന്നാണ് പലരും വിളിക്കുന്നത്. തകർന്ന പള്ളി, റെയിൽവേ സ്റ്റേഷൻ എന്നിവ ഇന്നും ആ ദുരന്തത്തിന്റെ സാക്ഷികളായി നിലകൊള്ളുന്നു.

പുരാണങ്ങളിലും ഈ പ്രദേശത്തിന് വലിയ പ്രാധാന്യമുണ്ട്. രാമായണം അനുസരിച്ച് ശ്രീരാമനും സൈന്യവും ലങ്കയിലേക്കുള്ള ഐതിഹാസിക പാലമായ രാമസേതു നിർമിക്കാൻ തുടങ്ങിയ പുണ്യസ്ഥലമാണ് ഇത്. ധനുഷ്കോടി എന്ന വാക്കിന്റെ അർഥം ‘വില്ലിന്റെ അഗ്രം’ എന്നാണ്. രാമസേതു പാലത്തിന്റെ തുടക്കം ഇവിടെ നിന്നാണെന്നാണ് ഈ പേര് സൂചിപ്പിക്കുന്നത്.

വിനോദസഞ്ചാരികളുടെ സ്വർഗ്ഗം—

ഇന്ന് ധനുഷ്കോടിയിലേക്കുള്ള ഈ റോഡ് ഇന്ത്യയിലെ ഏറ്റവും മനോഹരമായ ഡ്രൈവ് അനുഭവങ്ങളിൽ ഒന്നായി കണക്കാക്കപ്പെടുന്നു. നീണ്ടുനിൽക്കുന്ന മണൽപ്പുറങ്ങൾ, കടൽക്കാറ്റ്, വിശാലമായ ആകാശം ഇവയെല്ലാം ചേർന്ന് യാത്രയെ മറക്കാനാവാത്തതാക്കുന്നു. ഇന്ത്യയുടെ അറ്റത്ത് നിൽക്കുന്ന അനുഭവം പലർക്കും ജീവിതത്തിൽ ഒരിക്കൽ എങ്കിലും അനുഭവിക്കണമെന്ന് തോന്നുന്ന ഒന്നാണ്.

രാമേശ്വരത്തിൽ നിന്ന് ധനുഷ്കോടിയിലേക്കുള്ള ദേശീയപാത 87 ഒരു റോഡ് മാത്രമല്ല, അത് പ്രകൃതിയും ചരിത്രവും ആത്മീയതയും ഒത്തുചേരുന്ന ഒരു യാത്രയാണ്. കടലിന്റെ നടുവിലൂടെ ഇന്ത്യയുടെ അവസാന അറ്റത്തേക്കെത്തുന്ന ഈ വഴി, ഓരോ യാത്രക്കാരനും മറക്കാനാവാത്ത ഓർമ്മകൾ സമ്മാനിക്കും. ഇന്ത്യയുടെ അതിർത്തി വരെ എത്തിച്ചേരുന്ന ആ വഴിയിലൂടെ ഒരിക്കൽ യാത്ര ചെയ്താൽ, ആ അനുഭവം ജീവിതകാലം മുഴുവൻ മനസ്സിൽ നിറഞ്ഞുനിൽക്കും.

ഉമ തോമസ് എം.എൽ.എയുടെ ‘സ്നേഹസ്പർശം’ പദ്ധതി ആരംഭിച്ചു; സൗജന്യ ഡയാലിസിസും ഇലക്ട്രോണിക് വീൽചെയറും വിതരണം

Pauly Vadakkan
-
0
ഉമ തോമസ് എം.എൽ.എയുടെ ‘സ്നേഹസ്പർശം’ പദ്ധതി ആരംഭിച്ചു; സൗജന്യ ഡയാലിസിസും ഇലക്ട്രോണിക് വീൽചെയറും വിതരണം

തൃക്കാക്കര: പി.ടി. തോമസ് ഫൗണ്ടേഷനും ഉമ തോമസ് എം.എൽ.എയും ചേർന്ന് തൃക്കാക്കര നിയോജക മണ്ഡലത്തിലെ ഡയാലിസിസ് രോഗികൾക്കായി ‘സ്നേഹസ്പർശം’ പദ്ധതിക്ക് തുടക്കം കുറിച്ചു. സാമ്പത്തിക ബുദ്ധിമുട്ട് അനുഭവിക്കുന്ന നൂറിലധികം രോഗികൾക്ക് പദ്ധതിയിലൂടെ സൗജന്യ ഡയാലിസിസ് ലഭ്യമാക്കും. നിലവിൽ ഡയാലിസിസ് നടത്തുന്ന ആശുപത്രികളുമായി സഹകരിച്ചാണ് പദ്ധതി നടപ്പാക്കുന്നത്.


ഐ.ടി കമ്പനിയായ മാരി ആപ്സ് മറൈൻ സൊല്യൂഷൻസ് പ്രൈവറ്റ് ലിമിറ്റഡിന്റെ സി.എസ്.ആർ ഫണ്ട് വിനിയോഗിച്ചാണ് പി.ടി. തോമസ് ഫൗണ്ടേഷനുമായി സഹകരിച്ച് പദ്ധതി നടപ്പാക്കുന്നത്. കൂടാതെ ജിയോജിത്ത് ഫൗണ്ടേഷൻ സി.എസ്.ആർ ഫണ്ടിലൂടെ ഇലക്ട്രോണിക് വീൽചെയറുകളും വിതരണം ചെയ്തു.


ഉമ തോമസ് എം.എൽ.എ അധ്യക്ഷത വഹിച്ച ചടങ്ങിൽ ജില്ലാ കോൺഗ്രസ് കമ്മിറ്റി അധ്യക്ഷൻ മുഹമ്മദ് ഷിയാസ് ഉദ്ഘാടനം നിർവഹിച്ചു. എറണാകുളം ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണൻ, കൊച്ചി മേയർ അഡ്വ. മിനിമോൾ വി.കെ, തൃക്കാക്കര നഗരസഭ ചെയർപേഴ്സൺ റാഷിദ് ഉള്ളമ്പിള്ളി എന്നിവർ മുഖ്യാതിഥികളായിരുന്നു.
മാരി ആപ്സ് മറൈൻ സൊല്യൂഷൻസ് മാനേജിങ് ഡയറക്ടർ തോമസ് കെ. ജോൺ, ജിയോജിത്ത് ഫൗണ്ടേഷൻ മാനേജർ ദീപക് ജോൺ മറ്റം എന്നിവർ വിശിഷ്ടാതിഥികളായി പങ്കെടുത്തു. വിവിധ ജനപ്രതിനിധികളും സാമൂഹിക പ്രവർത്തകരും ചടങ്ങിൽ സന്നിഹിതരായിരുന്നു.



The “Snehasparsham” project led by MLA Uma Thomas and the P.T. Thomas Foundation has been launched in the Thrikkakara constituency to provide free dialysis treatment for more than 100 financially struggling patients. The initiative is implemented in collaboration with hospitals currently providing dialysis services. CSR funding from Mari Apps Marine Solutions Pvt. Ltd. supports the dialysis program, while Geojit Foundation distributed electronic wheelchairs through its CSR initiative. The program was inaugurated by DCC President Mohammed Shiyas in a function chaired by MLA Uma Thomas, attended by several public representatives and dignitaries.

യുദ്ധം അടുക്കളയിൽ വരെ? ഗ്യാസ് കിട്ടാതിരിക്കുമോ എന്നാണോ നിങ്ങളുടെ ആശങ്ക, സിലിണ്ടർ കൂടുതൽ ദിവസം ഉപയോഗിക്കാൻ ഇക്കാര്യങ്ങൾ അറിഞ്ഞുവെച്ചോളൂ…

Pauly Vadakkan
-
0
യുദ്ധം അടുക്കളയിൽ വരെ? ഗ്യാസ് കിട്ടാതിരിക്കുമോ എന്നാണോ നിങ്ങളുടെ ആശങ്ക, സിലിണ്ടർ കൂടുതൽ ദിവസം ഉപയോഗിക്കാൻ ഇക്കാര്യങ്ങൾ അറിഞ്ഞുവെച്ചോളൂ…

പശ്ചിമേഷ്യൻ സംഘർഷം പെട്രോളിയം ഇറക്കുമതിയെ ബാധിച്ചതോടെ പാചകവാതക വാണിജ്യ സിലിണ്ടറുകളുടെ ലഭ്യതക്കുറവും വിതരണം നിർത്തിവെച്ചതും കേരളത്തിലെ ഹോട്ടലുകളെയും കേറ്ററിങ് സ്ഥാപനങ്ങളെയും ബാധിച്ചു തുടങ്ങിയിരിക്കുകയാണ്. യുദ്ധം അടുക്കളയിൽ വരെ എത്തിയോ എന്നതാണ് പലരും ആശങ്കപ്പെടുന്നത്. ഈ സാഹചര്യത്തിൽ ഗാര്‍ഹിക എൽപിജി ബുക്ക് ചെയ്താൽ കിട്ടാനും താമസമായിരിക്കും. ചില കാര്യങ്ങൾ ശ്രദ്ധിച്ചാൽ ഒരു സിലിണ്ടർ 10 മുതൽ 15 ദിവസം വരെ അധികം ഉപയോഗിക്കാൻ കഴിയും. ഗ്യാസ് ലഭിക്കാനുള്ള ചില വഴികൾ പരിചയപ്പെടാം.

1. പാത്രങ്ങളിലെ ഈർപ്പം മാറ്റുക

മ്മൾ സാധാരണയായി കഴുകിയ ഉടനെ തന്നെ പാത്രം അടുപ്പത്ത് വയ്ക്കും. പാത്രത്തിന്റെ അടിയിലുള്ള വെള്ളം വറ്റി വരാൻ തന്നെ കുറഞ്ഞത് ഒന്ന് രണ്ട് മിനിറ്റ് തീ കൂട്ടി വയ്ക്കേണ്ടി വരും. ഇത്രയും നേരം കത്തുന്ന ഗ്യാസ് വെറുതെ പാഴാവുകയാണ്. അതുകൊണ്ട് ഒരു ഉണങ്ങിയ തുണി കൊണ്ട് പാത്രം തുടച്ച് ഈർപ്പം മാറ്റിയ ശേഷം മാത്രം പാചകം തുടങ്ങുക.

2. പാചകത്തിന് മുൻപ്

അടുപ്പ് കത്തിച്ച ശേഷം ഉള്ളി അരിയുന്നതും മല്ലിപ്പൊടി തപ്പാന്‍ പോകുന്നതുമെല്ലാം ഗ്യാസ് പാഴാക്കുന്ന പരിപാടിയാണ്! പാചകത്തിന് വേണ്ട പച്ചക്കറികൾ അരിഞ്ഞും മസാലകൾ എടുത്തും എല്ലാം റെഡിയാക്കി വച്ച ശേഷം മാത്രം തീ കത്തിക്കുക. എല്ലാം കൈയെത്തും ദൂരത്ത് ഉണ്ടെങ്കിൽ പാചകം വേഗത്തിൽ തീരും, ഗ്യാസും ലാഭിക്കാം.

3. ഫ്ലെയിം കൂട്ടേണ്ട

ഉയര്‍ന്ന തീയിൽ വെച്ചാൽ ഭക്ഷണം വേഗം വേവുമെന്ന് വിചാരിക്കുന്നത് തെറ്റാണ്. വശങ്ങളിലൂടെ പുറത്തേക്ക് വരുന്ന തീ പാത്രത്തെയല്ല, പകരം വായുവിനെയാണ് ചൂടാക്കുന്നത്. പാത്രത്തിന്റെ അടിവട്ടത്തിന് ഉള്ളിൽ മാത്രം നിൽക്കുന്ന രീതിയിൽ തീ ക്രമീകരിച്ചു പാകം ചെയ്താൽ ഏകദേശം 20% വരെ ഗ്യാസ് ലാഭിക്കാം.

4. മൂടി വച്ച് വേവിക്കുക

ഭക്ഷണം പാകം ചെയ്യുമ്പോൾ ഉണ്ടാകുന്ന ചൂടും നീരാവിയും പാത്രത്തിന് പുറത്തേക്ക് പോകാതെ നോക്കിയാൽ പാചകം പകുതി സമയം കൊണ്ട് തീരും. പാത്രം മൂടി വയ്ക്കുമ്പോൾ ഉള്ളിലെ താപനില ഉയരുകയും വിഭവങ്ങൾ വേഗത്തിൽ വെന്ത് കിട്ടുകയും ചെയ്യും.

5. പ്രഷർ കുക്കര്‍ ഉപയോഗിക്കാം

ഗ്യാസ് ലാഭിക്കാൻ സഹായിക്കുന്ന ഏറ്റവും വലിയ ഉപകരണം കുക്കറാണ്. സാധാരണ പാത്രത്തിൽ വേവിക്കുന്നതിനേക്കാൾ നാലിലൊന്ന് സമയം കൊണ്ട് കുക്കറിൽ പരിപ്പും ഇറച്ചിയുമൊക്കെ വേവിച്ചെടുക്കാം. പ്രഷർ കുക്കർ ഉപയോഗിക്കുന്നത് വഴി വലിയൊരു അളവ് ഇന്ധനം ലാഭിക്കാൻ സാധിക്കും.

6. കുതിർത്ത് വയ്ക്കാം

വൻപയർ, കടല, പരിപ്പ് തുടങ്ങിയവ പാചകം ചെയ്യുന്നതിന് ഒരു മണിക്കൂർ മുൻപ് വെള്ളത്തിൽ കുതിർത്ത് വയ്ക്കുക. ഇത് അവയുടെ കാഠിന്യം കുറയ്ക്കുകയും വേഗത്തിൽ വെന്ത് കിട്ടാൻ സഹായിക്കുകയും ചെയ്യും. അരി പോലും 15 മിനിറ്റ് കുതിർത്ത് വച്ച ശേഷം വേവിച്ചാൽ ഗ്യാസ് ലാഭിക്കാം.

7. ഫ്രിജിലെ സാധനങ്ങൾ ആദ്യം പുറത്തുവയ്ക്കുക

ഫ്രിജിൽ നിന്ന് നേരിട്ട് എടുക്കുന്ന പാൽ, കറികൾ എന്നിവയ്ക്ക് നല്ല തണുപ്പുണ്ടാകും. ഇത് നേരിട്ട് അടുപ്പത്ത് വച്ചാൽ ആ തണുപ്പ് മാറാൻ തന്നെ ഒരുപാട് ഗ്യാസ് വേണ്ടി വരും. അതുകൊണ്ട് പാചകത്തിന് ഒരു മണിക്കൂർ മുൻപെങ്കിലും സാധനങ്ങൾ പുറത്തെടുത്തു വച്ച് സാധാരണ ഊഷ്മാവിൽ എത്തിയ ശേഷം മാത്രം ചൂടാക്കുക.

8. ബർണർ വൃത്തിയാക്കി വയ്ക്കുക

സ്റ്റൗവിലെ തീയിന്റെ നിറം ശ്രദ്ധിക്കുക. നീലനിറത്തിന് പകരം മഞ്ഞയോ ഓറഞ്ചോ നിറത്തിലാണ് കത്തുന്നതെങ്കിൽ ബർണറിൽ അഴുക്ക് കുടുങ്ങിയിട്ടുണ്ടെന്ന് ഉറപ്പിക്കാം. ഇത് കൂടുതൽ ഗ്യാസ് കത്തിത്തീരാൻ കാരണമാകും. ആഴ്ചയിലൊരിക്കൽ ബർണർ ബ്രഷ് ഉപയോഗിച്ച് വൃത്തിയാക്കുന്നത് തീ നന്നായി കത്താൻ സഹായിക്കും.

9. പാത്രത്തിന് അനുയോജ്യമായ ബർണർ തിരഞ്ഞെടുക്കുക

ചെറിയ പാത്രങ്ങൾ വലിയ ബർണറിൽ വയ്ക്കുമ്പോൾ വശങ്ങളിലൂടെ തീ പാഴാകും. ചെറിയ പാൽപ്പാത്രം ചൂടാക്കാനും ചായ വയ്ക്കാനും ചെറിയ ബർണർ ഉപയോഗിക്കുക. പാത്രത്തിന്റെ വലിപ്പത്തിന് അനുയോജ്യമായ ബർണർ തിരഞ്ഞെടുക്കുന്നത് ഗ്യാസ് നഷ്ടം ഒഴിവാക്കും.

10. പാചകം നിര്‍ത്തേണ്ട

ഒരു വിഭവം കഴിഞ്ഞ് അടുപ്പ് ഓഫ് ചെയ്ത് കുറേ നേരം കഴിഞ്ഞ് അടുത്തത് ഉണ്ടാക്കുമ്പോൾ സ്റ്റൗവും പാത്രവുമെല്ലാം തണുത്തു പോയിട്ടുണ്ടാകും. വീണ്ടും ചൂടാകാൻ കൂടുതൽ ഗ്യാസ് വേണം. അതിനു പകരം ഒന്നിലധികം വിഭവങ്ങൾ തുടർച്ചയായി തയാറാക്കിയാൽ ആ ചൂട് നിലനിൽക്കുന്നത് കൊണ്ട് പാചകം എളുപ്പമാകും. വെന്ത് കിട്ടാൻ സഹായിക്കുകയും ചെയ്യും. അരി പോലും 15 മിനിറ്റ് കുതിർത്ത് വച്ച ശേഷം വേവിച്ചാൽ ഗ്യാസ് ലാഭിക്കാം.

മുണ്ടക്കൈ–ചൂരൽമല ദുരന്തഭൂമിക്ക് സമീപത്തെ തുരങ്ക നിർമ്മാണം തടയണം; സുപ്രീം കോടതിയിൽ ഹർജി

Pauly Vadakkan
-
0
മുണ്ടക്കൈ–ചൂരൽമല ദുരന്തഭൂമിക്ക് സമീപത്തെ തുരങ്ക നിർമ്മാണം തടയണം; സുപ്രീം കോടതിയിൽ ഹർജി


ന്യൂഡൽഹി: വയനാട് മുണ്ടക്കൈ–ചൂരൽമല ഉരുൾപൊട്ടൽ ദുരന്തത്തിന്റെ പശ്ചാത്തലത്തിൽ വിവാദമായ വയനാട് തുരങ്കപാത പദ്ധതിക്കെതിരെ സുപ്രീം കോടതിയെ സമീപിച്ച് വയനാട് പ്രകൃതി സംരക്ഷണ സമിതി. പദ്ധതിക്ക് കേന്ദ്ര സർക്കാർ നൽകിയ പരിസ്ഥിതി അനുമതി റദ്ദാക്കണമെന്ന് ആവശ്യപ്പെട്ടാണ് ഹർജി സമർപ്പിച്ചത്.


2018, 2019, 2024 വർഷങ്ങളിൽ മണ്ണിടിച്ചിലും ഉരുൾപൊട്ടലും ഉണ്ടായ പ്രദേശങ്ങളിലൂടെയാണ് തുരങ്കപാത കടന്നുപോകുന്നതെന്ന് ഹർജിയിൽ ചൂണ്ടിക്കാട്ടുന്നു. മുണ്ടക്കൈ, ചൂരൽമല ഗ്രാമങ്ങൾക്ക് സമീപത്തുകൂടി പദ്ധതിപാത കടന്നുപോകുന്നതിനാൽ പരിസ്ഥിതിക്കും ജനവാസ മേഖലകൾക്കും ഗുരുതര ഭീഷണി ഉണ്ടാകുമെന്നാണ് സമിതി ആരോപിക്കുന്നത്.
പദ്ധതിക്ക് ആവശ്യമായ പരിസ്ഥിതി പഠനങ്ങൾ പൂർണ്ണമായി നടത്താതെയാണ് അനുമതി നൽകിയതെന്നും അതിനാൽ ഈ അനുമതി റദ്ദാക്കണമെന്നും ഹർജിയിൽ ആവശ്യപ്പെടുന്നു.
ഇതിന് മുൻപ് സമിതി സമർപ്പിച്ച ഹർജി കേരള ഹൈക്കോടതി തള്ളിയിരുന്നു. ഹൈക്കോടതി വിധിക്കെതിരെയാണ് ഇപ്പോൾ സുപ്രീം കോടതിയിൽ അപ്പീൽ നൽകിയിരിക്കുന്നത്.

ട്വന്റി20 ലോകകപ്പ് ഫൈനലിൽ വിവാദം; അർഷ്ദീപ് സിങ്ങിന് ഐസിസി പിഴയും ഡിമെറിറ്റ് പോയിന്റും

Pauly Vadakkan
-
0
ട്വന്റി20 ലോകകപ്പ് ഫൈനലിൽ വിവാദം; അർഷ്ദീപ് സിങ്ങിന് ഐസിസി പിഴയും ഡിമെറിറ്റ് പോയിന്റും


അഹമ്മദാബാദ്: ട്വന്റി20 ലോകകപ്പ് ഫൈനൽ മത്സരത്തിനിടെ പെരുമാറ്റച്ചട്ടം ലംഘിച്ചതിന് ഇന്ത്യൻ പേസർ അർഷ്ദീപ് സിങ്ങിന് പിഴ ചുമത്തി അന്താരാഷ്ട്ര ക്രിക്കറ്റ് കൗൺസിൽ (ഐസിസി). മാച്ച് ഫീയുടെ 15 ശതമാനമാണ് പിഴയായി വിധിച്ചത്. കൂടാതെ ഒരു ഡിമെറിറ്റ് പോയിന്റും താരത്തിന്റെ അക്കൗണ്ടിൽ ചേർത്തിട്ടുണ്ട്.


അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഇന്ത്യ–ന്യൂസീലൻഡ് ഫൈനലിനിടെയായിരുന്നു സംഭവം. കിവീസ് താരം ഡാരിൽ മിച്ചലിന് നേരെ പന്ത് എറിഞ്ഞതാണ് നടപടിക്ക് കാരണമായത്.
ന്യൂസീലൻഡ് ഇന്നിങ്സിന്റെ 11-ാം ഓവറിലായിരുന്നു സംഭവം. അർഷ്ദീപിന്റെ പന്ത് ശക്തമായി അടിക്കാൻ ശ്രമിച്ചെങ്കിലും മിച്ചലിന് സാധിച്ചില്ല. പന്ത് മൈതാനത്ത് കുത്തി നേരെ ബൗളറുടെ കൈകളിലെത്തി. ക്രീസ് വിട്ടുനിന്നിരുന്ന മിച്ചലിനെ റണ്ണൗട്ടാക്കാനായി സ്റ്റമ്പിലേക്ക് എറിയാനാണ് അർഷ്ദീപ് ശ്രമിച്ചത്. എന്നാൽ ലക്ഷ്യം തെറ്റി പന്ത് മിച്ചലിന്റെ കാലിൽ തട്ടുകയായിരുന്നു.


ഇതോടെ മിച്ചൽ പ്രകോപിതനായി അർഷ്ദീപിനോട് പ്രതികരിച്ചു. പിന്നീട് ഇന്ത്യൻ ക്യാപ്റ്റൻ സൂര്യകുമാർ യാദവും അമ്പയറും ഇടപെട്ട് സ്ഥിതി ശാന്തമാക്കി.
ഓവറിന് ശേഷം മിച്ചലിനോട് അർഷ്ദീപ് ഖേദം പ്രകടിപ്പിക്കുകയും ചെയ്തിരുന്നു. സ്റ്റമ്പിലേക്കാണ് പന്ത് എറിയാൻ ശ്രമിച്ചതെന്നും അത് അബദ്ധത്തിൽ ബാറ്ററുടെ ശരീരത്തിൽ തട്ടിയതാണെന്നും അദ്ദേഹം വ്യക്തമാക്കി. സംഭവത്തിന്റെ വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിച്ചിരുന്നു.
ഐസിസി പെരുമാറ്റച്ചട്ടത്തിലെ ആർട്ടിക്കിൾ 2.9 പ്രകാരം ലെവൽ 1 കുറ്റമാണ് അർഷ്ദീപ് ചെയ്തതെന്ന് ഐസിസി വ്യക്തമാക്കി. എതിർ താരത്തിന് അപകടകരമായ രീതിയിൽ പന്ത് എറിയുന്നതാണ് ഈ ചട്ടലംഘനത്തിൽ ഉൾപ്പെടുന്നത്.



Indian pacer Arshdeep Singh has been fined 15% of his match fee and given one demerit point by the ICC for breaching the Code of Conduct during the T20 World Cup final against New Zealand in Ahmedabad. The incident occurred when Arshdeep threw the ball towards the stumps to attempt a run-out but accidentally hit New Zealand batter Daryl Mitchell. Mitchell reacted angrily, but the situation was later calmed by captain Suryakumar Yadav and the umpires. Arshdeep later apologized to Mitchell, stating that the throw was intended for the stumps.

1...909192...609Page 91 of 609