തിരഞ്ഞെടുപ്പിൽ മത്സരിക്കുമെന്ന വാർത്തകൾ തള്ളി മുതിർന്ന സി.പി.എം നേതാവ് ജി. സുധാകരൻ. താൻ മത്സരിക്കാൻ പോകുന്നതിനെക്കുറിച്ച് ആർക്കും ഒരു വാഗ്ദാനവും നൽകിയിട്ടില്ലെന്നും നിലവിൽ പ്രചരിക്കുന്നതെല്ലാം അടിസ്ഥാനരഹിതമായ കാര്യങ്ങളാണെന്നും അദ്ദേഹം വ്യക്തമാക്കി.
താൻ യു.ഡി.എഫ് സ്ഥാനാർത്ഥിയാകുമെന്നോ മറ്റ് പ്രതിപക്ഷ പാർട്ടികളുമായി ചർച്ച നടത്തിയെന്നോ ഉള്ള പ്രചാരണങ്ങളിൽ സത്യമില്ല. സി.പി.എമ്മിനെതിരെ തനിക്ക് പരാതികളൊന്നുമില്ല. എം.എ ബേബി കഴിഞ്ഞ ദിവസം വീട്ടിലെത്തി തന്നെ കണ്ടിരുന്നു. ആരുടെയും നിർബന്ധത്തിന് വഴിയല്ല താൻ രാഷ്ട്രീയത്തിൽ വന്നത്. സ്വന്തം ഇഷ്ടപ്രകാരമാണ് പാർട്ടിയിൽ ചേർന്നതും പ്രവർത്തിച്ചതും എന്നും അദ്ദേഹം കൂട്ടിച്ചേർത്തു.