തിരുവനന്തപുരം: സിപിഎം മുന് എംഎല്എയും മുന് കെടിഡിസി ചെയര്മാനുമായ പി കെ ശശി സിഎംപിയിലേക്ക്. പി കെ ശശിയുടെ നേതൃത്വത്തില് രൂപവത്കരിച്ച ഡെമക്രാറ്റിക് മാര്ക്സിസ്റ്റ് ഫ്രണ്ട് (ഡിഎംഎഫ്) സിഎംപിയില് ലയിക്കും. സിഎംപിയില് ലയിക്കാനുള്ള തീരുമാനം പാര്ട്ടി ഏകകണ്ഠമായി അംഗീകരിച്ചുവെന്നും പി കെ ശശി അറിയിച്ചു.
സിഎംപി ജനറല് സെക്രട്ടറിയും മന്ത്രിയുമായ സി പി ജോണിന്റെ സാന്നിധ്യത്തിലാണ് പി കെ ശശിയുടെ പ്രഖ്യാപനം. ശശിയുടെ പ്രഖ്യാപനത്തെ സി പി ജോണ് സ്വാഗതം ചെയ്തു. പി കെ ശശിയെ സിഎംപി സംസ്ഥാന സെക്രട്ടറിയാക്കിയതായി സിപി ജോണ് വ്യക്തമാക്കി.
27ന് തൃശ്ശൂര് ടൗണ്ഹാളില് നടക്കുന്ന സിഎംപി.യുടെ 40-ാം വാര്ഷികാഘോഷത്തിന്റെ ഭാഗമായുള്ള സെന്ട്രല് കൗണ്സില് യോഗത്തില് സംഘടനാപരമായ ഔദ്യോഗിക കാര്യങ്ങള് ഉറപ്പാക്കുമെന്നും അദ്ദേഹം പറഞ്ഞു.കേരളത്തിലെ ഇടതുപക്ഷത്തിനുള്ളിലെ കൂടുതല് വിപുലമായ ഒരു രാഷ്ട്രീയ പുനഃക്രമീകരണത്തിന്റെ തുടക്കമാണ് ഈ ലയനമെന്നും സിപി ജോണ് കൂട്ടിച്ചേർത്തു.