കളമശ്ശേരി സ്‌ഫോടന കേസില്‍ പ്രതി ഡൊമിനിക് മാര്‍ട്ടിന്റെ വിദേശ ബന്ധങ്ങള്‍ അന്വേഷിച്ച് പൊലീസ്. ഏറെക്കാലമായി വിദേശത്തുള്ള പ്രതിയ്ക്ക് ഏതെങ്കിലും തരത്തിലുള്ള സാമ്പത്തിക സഹായങ്ങള്‍ ലഭിച്ചിട്ടുണ്ടോ മറ്റേതെങ്കിലും രാജ്യങ്ങള്‍ സന്ദര്‍ശിച്ചിട്ടുണ്ടോ എന്നിവ ഉള്‍പ്പെടെ പരിശോധിക്കും. പ്രതി ഡൊമിനിക് മാര്‍ട്ടിന്‍ 15 വര്‍ഷത്തോളം തുടര്‍ച്ചയായി ദുബായില്‍ ജോലി നോക്കി വരുകയായിരുന്നു.
സാമൂഹ്യ മാധ്യമങ്ങളില്‍ സജീവമായിരുന്ന പ്രതിയുടെ ഫോണില്‍ ഫോറന്‍സിക് പരിശോധന തുടര്‍ന്ന് വരുന്നു. വാട്‌സ് ആപ്പ്, ഫേസ്ബുക്ക് തുടങ്ങിയ സാമൂഹ്യ മാധ്യമങ്ങളില്‍ പ്രതിയുടെ ഇടപെടലിനെ കുറിച്ചും പരിശോധന തുടരുന്നുണ്ട്. അതേ സമയം കേസിലെ തിരിച്ചറിയല്‍ പരേഡില്‍ ഇന്ന് അന്തിമ തീരുമാനം ഉണ്ടായേക്കും
