ഒറ്റ ദിവസം കൊണ്ട് മലയാളക്കരയെ കണ്ണീരിലും ആകാംഷയിലും എത്തിച്ച സംഭവമാണ് അബിഗേൽ സാറയെ കാണ്മാനില്ല എന്ന വാർത്ത. ഇന്ന് ഉച്ചയോടു കൂടി കുട്ടിയെ കണ്ടെത്തിയതോടെ മലയാളികൾ ഒത്തൊരുമയോടെയാണ് സന്തോഷം പങ്കിട്ടത്. ഇപ്പോഴിതാ അബിഗേൽ സാറയെ കണ്ടെത്തിയ സന്തോഷത്തിൽ തുള്ളിച്ചാടുന്ന കുട്ടികളുടെ ഒരു വീഡിയോയാണ് നിമിഷ നേരം കൊണ്ട് ശ്രദ്ധേയമായത്. ദിനേഷൻ മാഷ് പങ്കുവച്ച വീഡിയോ നാട് മുഴുവൻ എങ്ങനെയാണ് ഒരേ മനസോടെ അബിഗേലിനായി കാത്തിരുന്നത് എന്ന് പറയുന്നു. കൊല്ലത്തെ ഓയൂരിലുള്ള അബിഗേലിനെ തിരിച്ചുകിട്ടിയ സന്തോഷത്തിൽ തുള്ളിച്ചാടിയത് അങ്ങ് കോഴിക്കോട്ടെ ഗ്രാമ പ്രദേശമായ നെട്ടൂരിലെ എൽപി സ്കൂൾ കുട്ടികളാണ്.
