വാലെൻസിയ: സ്പെയിനിൽ നടക്കുന്ന വനിതാ ഹോക്കി നേഷന്സ് കപ്പ് ഫൈനലില് കടന്ന് ഇന്ത്യ. അയർലൻഡിനെ ഷൂട്ടൗട്ടിൽ 2-1 എന്ന സ്കോറിന് തോൽപ്പിച്ചാണ് ഇന്ത്യ ഫൈനൽ ഉറപ്പിച്ചത്.
നിശ്ചിത സമയത്ത് ഇരു ടീമുകളും ഒരോ ഗോള് വീതം ആണ് നേടിയത്. പതിനാലാം മിനിറ്റിൽ അയർലൻഡാണ് ആദ്യ മുന്നിലെത്തിയത്. 45-ാം മിനിറ്റിൽ ഉദിത ഇന്ത്യയുടെ സമനില ഗോൾ കണ്ടെത്തി.
ക്യാപ്റ്റനും ഗോൾകീപ്പറുമായ സാവിയ പുനിയയുടെ മിന്നും പ്രകടനമാണ് ഷൂട്ടൗട്ടിൽ ഇന്ത്യയുടെ വിജയം ഉറപ്പിച്ചത്. ഫൈനലില് ലോക ഏഴാം റാങ്കുകാരായ സ്പെയിനാണ് എതിരാളികള്.