ഷാര്ജ: യുഎഇയിലെ ഷാര്ജയില് കെട്ടിടത്തില് നിന്ന് വീണ് പ്രവാസി വനിത മരിച്ചു. 35കാരിയായ സിറിയന് യുവതിയാണ് മരിച്ചത്. ബുധനാഴ്ച രാവിലെയാണ് ഷാര്ജയിലെ ഒരു കെട്ടിടത്തിന്റെ 17-ാം നിലയില് നിന്ന് യുവതി താഴേക്ക് വീണതെന്ന് ഷാര്ജ പൊലീസ് അറിയിച്ചു.
ഷാര്ജ പൊലീസ് സംഭവത്തില് അന്വേഷണം ആരംഭിച്ചിട്ടുണ്ട്. യുവതിയുടെ മൃതദേഹം ഫോറന്സിക് ലാബില് പരിശോധിക്കാന് ഷാര്ജ പ്രോസിക്യൂട്ടര്മാര് ഉത്തരവിട്ടു. ചോദ്യം ചെയ്യലിനായി യുവതിയുടെ ഭര്ത്താവിനെയും ദൃക്സാക്ഷികളെയും പൊലീസ് വിളിപ്പിച്ചിരുന്നു. അല് ബുഹൈറ പൊലീസ് സ്റ്റേഷനാണ് സംഭവം അന്വേഷിക്കുന്നത്.