ജ്യൂസില് ലഹരി മരുന്ന് നല്കി തമിഴ്നാട് സ്വദേശിനിയായ യുവതിയെ കൂട്ടബലാത്സംഗം ചെയ്ത പ്രതികള് പിടിയില്.
കാഞ്ഞങ്ങാട് സ്വദേശി വിജേഷ്, തമിഴ്നാട് സ്വദേശിനി മലര് എന്നവരുള്പ്പെടെ മൂന്ന് പേരാണ് ബുധനാഴ്ച രാത്രിയില് സേലത്തുനിന്നും പോലീസ് പിടിയിലായത്. കസ്റ്റഡിയിലുള്ള മറ്റൊരു നീലേശ്വരം സ്വദേശിക്ക് സംഭവത്തില് പങ്കുണ്ടോയെന്ന് പരിശോധിച്ചുവരികയാണ്.
കഴിഞ്ഞ ശനിയാഴ്ചയാണ് കേസിനാസ്പദമായ സംഭവമുണ്ടായത്. യുവതിയുടെ ഭര്ത്താവിന്റെ ബന്ധുകൂടിയായ മലര് ജോലി വാഗ്ദാനം നല്കി ഇവരെ ഓഗസ്റ്റ് 23ന് കണ്ണൂരില് എത്തിക്കുകയായിരുന്നു.
ശനിയാഴ്ച രാത്രി, പുതിയ വീട്ടിലേക്ക് താമസം മാറാമെന്നു പറഞ്ഞ് മലര് യുവതിയെ മറ്റൊരു അപ്പാര്ട്ട്മെന്റില് എത്തിക്കുകയായിരുന്നു. അവിടെ വച്ച് ലഹരിമരുന്ന് കലക്കിയ ജ്യൂസ് നല്കി വിജേഷും മറ്റൊരാളും കൂടി യുവതിയെ പീഡിപ്പിച്ചെന്നാണ് പരാതി.