മെക്സിക്കോയില് വന് ഭൂചലനം. ഒരാള് മരിച്ചു. റിക്ടര് സ്കെയിലില് 7.6 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്.
അക്വിലയില് നിന്നും 37 കിലോമീറ്റര് തെക്കുകിഴക്കായി കോളിമ, മൈക്കോക്കന് സംസ്ഥാനങ്ങളുടെ അതിര്ത്തിയോട് ചേര്ന്ന് 15.1 കിലോ മീറ്റര് ആഴത്തിലാണ് ഭൂചലനത്തിന്റെ പ്രഭവകേന്ദ്രം.
തലസ്ഥാനമായ മെക്സിക്കോ സിറ്റി വരെ ഭൂചലനത്തിന്റെ പ്രകമ്പനം അനുഭവപ്പെട്ടു. ഇതേതുടര്ന്ന് സുനാമി മുന്നറിയിപ്പ് നല്കിയിട്ടുണ്ട്.
യുഎസ് ജിയോളജിക്കൽ സർവേയുടെ കണക്കനുസരിച്ച് പ്രാദേശിക സമയം ഉച്ചയ്ക്ക് 1:05നാണ് ഭൂചലനം സംഭവിച്ചത്.