കുവൈത്ത് സിറ്റി: ഷുവൈഖ് തുറമുഖത്ത് ഇന്ത്യൻ നാവികക്കപ്പൽ ടി.ഇ.ജിക്ക് ഇന്ത്യൻ എംബസി കഴിഞ്ഞദിവസം സ്വീകരണം നൽകി. കുവൈത്തുമായി ഇന്ത്യ നയതന്ത്രബന്ധം സ്ഥാപിച്ചതിന്റെ 60ാം വാർഷികവും 75ാം വർഷമായ ആസാദി കാ അമൃത് മഹോത്സവവും ആഘോഷിക്കുന്ന വർഷത്തിലാണ് ഈ സ്വീകരണം നടക്കുന്നതെന്ന് കുവൈത്തിലെ ഇന്ത്യൻ അംബാസഡർ സിബി ജോർജ് പറഞ്ഞു.
ഈ കപ്പൽ സന്ദർശനം ഇരു രാജ്യങ്ങളും തമ്മിലുള്ള എല്ലാ മേഖലകളിലും പ്രത്യേകിച്ച് പ്രതിരോധ സഹകരണ മേഖലയിൽ വളർന്നുവരുന്ന ഉഭയകക്ഷി ബന്ധത്തെ പ്രതിഫലിപ്പിക്കുന്നു. ഇന്ത്യയും കുവൈത്തും വളരെ പരമ്പരാഗതവും ഊർജസ്വലവുമായ ബന്ധമാണ് നിലനിൽക്കുന്നതെന്ന് അദ്ദേഹം പറഞ്ഞു.
കോവിഡ് ഉയർത്തിയ നിരവധി ബുദ്ധിമുട്ടുകളും വെല്ലുവിളികളും ഉണ്ടായിരുന്നിട്ടും ഇന്ത്യ-കുവൈവത്ത് ബന്ധം വളർന്നുകൊണ്ടിരുന്നു.
