ന്യൂഡൽഹി: രാജ്യം കൊടും ചൂടിൽ എരിയുകയാണ്. തലസ്ഥാന നഗരിയായ ഡൽഹിയിൽ റെക്കോർഡ് ചൂടാണ് അനുഭവപ്പെടുന്നത്. ചൂടിൽ നിന്നും രക്ഷപ്പെടുന്നതിനായി ഓരോരുത്തരും അവരുവരുടെതായ വഴികളും കണ്ടെത്തുന്നുണ്ട്. അതിനിടെയാണ് ചൂടിനെ തോൽപ്പിക്കാൻ ഓട്ടോ ഡ്രൈവർ വ്യത്യസ്തമായ രീതി സ്വീകരിച്ചത്.
ഓട്ടോയ്ക്ക് മുകളിൽ വിവിധ ചെടികൾ നട്ടാണ് ഇയാൾ യാത്രക്കാർക്ക് തണുപ്പ് വാഗ്ദാനം നൽകുന്നത്. 25തരം ചെടികളാണ് ഡ്രൈവർ ഓട്ടോയ്ക്ക് മുകളിൽ വച്ച് പിടിപ്പിച്ചതെന്ന് മഹേന്ദ്രകുമാർ പറയുന്നു. ഏതായാലും ചൂടിനെ തോൽപ്പിക്കാനുള്ള ഇയാളുടെ രീതി ഏറെ ആശ്വാസമാണെന്നാണ് യാത്രക്കാർ പറയുന്നത്
