വാഷിംഗ്ടൺ: അബു ഇബ്രാഹിം അൽ-ഹാഷിമി അൽ-ഖുറൈഷിയുടെ മരണം സ്ഥിരീകരിച്ച് ഇസ്ലാമിക് സ്റ്റേറ്റ് (ഐഎസ്). ഇതിനു പിന്നാലെ പുതിയ തലവനെയും ഐഎസ് തെരഞ്ഞെടുത്തു. അബു അൽ-ഹസൻ അൽ-ഹാഷ്മി അൽ-ഖുറൈഷിയാണ് ഐഎസിന്റെ പുതിയ തലവൻ.
ഫെബ്രുവരിയിൽ യുഎസ് തീവ്രവാദ വിരുദ്ധ സേനയുടെ പ്രത്യേക സംഘം അബു ഇബ്രാഹിം അൽ-ഹാഷിമിയെ വധിച്ചതായി പ്രസിഡന്റ് ജോ ബൈഡൻ അറിയിച്ചിരുന്നു. തുർക്കിയോട് അതിർത്തി പങ്കിടുന്ന വടക്കുപടിഞ്ഞാറൻ സിറിയയിലെ വടക്കൻ ഇഡ്ലിബ് പ്രവിശ്യയിൽ നടത്തിയ ആക്രമണത്തിലാണ് അബു ഇബ്രാഹിം അൽ-ഹാഷിമിയെ വധിച്ചത്