ന്യൂഡല്‍ഹി: ഉത്തര്‍പ്രദേശ് നിയമസഭാ തെരഞ്ഞെടുപ്പിൽ കോണ്‍ഗ്രസ് തകര്‍ന്നടിഞ്ഞതോടെ പ്രിയങ്കാ ഗാന്ധിയെ പരിഹസിച്ച് കേന്ദ്രമന്ത്രി സ്മൃതി ഇറാനി. യുപിയില്‍ പ്രിയങ്ക പാര്‍ട്ടിക്ക് പുതുജീവന്‍ പകരുമെന്നാണ് പറഞ്ഞിരുന്നതെന്നും എന്നാല്‍ അതിന് പകരം അവര്‍ പാർട്ടിയുടെ ജീവന്‍ ഊതിക്കെടുത്തുകയാണ് ചെയ്തതെന്നും സ്മൃതി പരിഹസിച്ചു.
യുപിയില്‍ യോഗി ആദിത്യനാഥിന്‍റെ സര്‍ക്കാര്‍ നടപ്പാക്കിയ പദ്ധതികളാണ് വിജയം സാധ്യമാക്കിയത്. സ്ത്രീ സുരക്ഷയ്ക്കും ക്രമസമാധാനത്തിനും ആദിത്യനാഥ് പ്രാധാന്യം നല്‍കിയെന്നും സ്മൃതി ഇറാനി കൂട്ടിച്ചേർത്തു.
