തിരുവനന്തപുരം: മാസപ്പടി വിവാദത്തില് മാത്യു കുഴല്നാടന് എംഎല്എയ്ക്ക് മറുപടിയുമായി നിയമമന്ത്രി പി രാജീവ്. വിവാദ കമ്പനിക്ക് സര്ക്കാര് നല്കിയ ഏറ്റവും വലിയ സഹായം മൈനിങ് ലീസാണ്. എകെ ആന്റണി മുഖ്യമന്ത്രിയായിരുന്ന കാലത്ത് തുടങ്ങിയ നടപടി ക്രമങ്ങളില് 2004 ല് മൈനിങ്ങ് ലീസ് നല്കിയത് ഉമ്മന്ചാണ്ടി മുഖ്യമന്ത്രിയായിരിക്കുമ്പോഴാണെന്നാണ് പി രാജീവിന്റെ ആരോപണം.
”കുഴല്നാടന്റെ വാദം അനുസരിച്ചാണെങ്കില് ഈ വലിയ സഹായത്തിന് ആരാണ് ഉത്തരവാദി.അന്ന് കുഴല്നാടന് പൊട്ടിച്ച വെടിയിലെ ഉണ്ട കൊള്ളേണ്ട യുഡി എഫ് നേതാക്കളില് ജീവിച്ചിരിക്കുന്നവരാരും പ്രതികരിക്കാത്തത് എന്തുകൊണ്ടാണെന്നും” പി രാജീവ് ഫെയ്സ്ബുക്കില് കുറിച്ചു.
