പതിനെട്ട് വയസിന് മുകളിലാണ് ഭാര്യയുടെ വയസ് എങ്കിൽ ഭർതൃബലാത്സംഗം കുറ്റകരമല്ലെന്ന് അലഹാബാദ് ഹൈക്കോടതി. കോടതിയുടെ പരാമർശം പ്രകൃതിവിരുദ്ധ പീഡനം ആരോപിച്ച് ഭാര്യ നൽകിയ പരാതിയിൽ ഭർത്താവിനെ കുറ്റവിമുക്തനാക്കിയ വിധിന്യായത്തിലാണ്.
ഇന്ത്യയില് ഇതുവരെ ഭര്തൃബലാത്സംഗം കുറ്റകരമാക്കിയിട്ടില്ലെന്നും ജസ്റ്റിസ് രാം മനോഹര് നാരായണ് മിശ്ര വ്യക്തമാക്കി.
നിലവിൽ ഭർതൃബലാത്സംഗം കുറ്റകരമാക്കണമെന്ന് ആവശ്യപ്പെട്ടുകൊണ്ടുള്ള ഹർജി സുപ്രീം കോടതിയുടെ പരിഗണനയിലാണ്. സുപ്രീം കോടതി ഹർജിയിന്മേൽ തീരുമാനമെടുക്കുന്നതുവരെ ഭർതൃബലാത്സംഗം കുറ്റകരമല്ലാതെ തുടരുമെന്നും ഹൈക്കോടതി വ്യക്തമാക്കി.
യുവതി നൽകിയ പരാതി വിവാഹജീവിതം ദുരിതപൂര്ണ്ണമാണെന്നും ശാരീരികമായും മാനസികമായും ഭര്ത്താവ് നിരന്തരം പീഡിപ്പിക്കുകയുമാണെന്നായിരുന്നു എന്നുമായിരുന്നു. ബലം പ്രയോഗിച്ച് പ്രകൃതിവിരുദ്ധ പീഡനത്തിനിരയാക്കിയെന്നും പരാതിയിൽ പറയുന്നു. ഐപിസി 377 പ്രകാരമുള്ള കുറ്റങ്ങളില് നിന്ന് ഭര്ത്താവിനെ കുറ്റവിമുക്തനാക്കിയെങ്കിലും 498(എ), 323 വകുപ്പുകള് ചുമത്തി ശിക്ഷ വിധിച്ചു.