പിണറായിയുടെ ബോഡി ഗാര്‍ഡുകള്‍ ക്രിമിനലുകളും ഗുണ്ടകളുമാണെന്ന് കെപിസിസി അധ്യക്ഷന്‍ കെ സുധാകരന്‍. മുഖ്യമന്ത്രിയുടെ നിര്‍ദേശ പ്രകാരമാണ് ആക്രമണം. ഇനിയും നോക്കി ഇരിക്കില്ല, പ്രതികരിക്കുമെന്നും കെ സുധാകരന്‍ പറഞ്ഞു. ഇങ്ങനെ ഒരു യാത്ര നടത്താന്‍ അനുവദിക്കില്ല. കേരള കോണ്‍ഗ്രസിനെയും സഹ പ്രവര്‍ത്തകരെയും പിണറായി അപമാനിക്കുന്നു. ശൈലജ ടീച്ചറെ പോലും അപമാനിക്കുന്നുവെന്നും സുധാകരന്‍ ഡല്‍ഹിയില്‍ പറഞ്ഞു.
കേരള കോണ്‍ഗ്രസിന് എത് നിമിഷവും യുഡിഎഫിലേക്ക് മടങ്ങി വരാം. യുഡിഎഫില്‍ അവര്‍ക്ക് തെറ്റ് പറ്റിയാലും അവരോട് ക്ഷമ പറയാനുള്ള മര്യാദ കാണിച്ചിട്ടുണ്ട്. അപമാനം സഹിച്ചു തുടരണോ എന്ന് അവര്‍ തീരുമാനിക്കണം. ശബരിമലയില്‍ ഇതുവരെയുള്ള സര്‍ക്കാരുകള്‍ ചെയ്തത് ഒന്നും ഈ സര്‍ക്കാര്‍ ചെയ്തില്ല. ഇപ്പോഴും പ്രശ്‌നങ്ങള്‍ക്ക് പരിഹാരമായിട്ടില്ല.മുഖ്യമന്ത്രിയെ യാത്രയില്‍ അനുഗമിക്കുന്നത് ഗുണ്ടകളാണ്. തെണ്ടികളും തെമ്മാടികളുമാണ്. ശബരിമല സംബന്ധിച്ച് ഫേസ്ബുക്ക് പോസ്റ്റില്‍ തെറ്റുണ്ടെങ്കില്‍ തിരുത്തുമെന്നും സുധാകരന്‍ പറഞ്ഞു.
