നവകേരള സദസിന്റെ മലപ്പുറം ജില്ലയിലെ പര്യടനം ഇന്ന് അവസാനിക്കും. മലപ്പുറം ജില്ലയിലെ ആദ്യ ദിനമായ തിങ്കളാഴ്ച 14,866 നിവേദനങ്ങളും രണ്ടാം ദിനമായ ചൊവ്വാഴ്ച 16,735 നിവേദനങ്ങളുമാണ് ലഭിച്ചത്. വള്ളിക്കുന്ന്-4778, തിരൂരങ്ങാടി-4317, കോട്ടയ്ക്കല്-3673, വേങ്ങര-3967 എന്നിങ്ങനെയാണ് ചൊവ്വാഴ്ച ലഭിച്ച നിവേദനങ്ങളുടെ എണ്ണം. ആദ്യദിവസം പൊന്നാനി-4192, തവനൂര്-3766, തിരൂര്-4094, താനൂര്-2814 എന്നിങ്ങനെയാണ് നിവേദനങ്ങള് ലഭിച്ചത്.
നാടിന്റെയാകെ ശബ്ദമാണ് പ്രഭാത യോഗങ്ങളില് ഉയരുന്നതെന്നും ആ ശബ്ദം ജനാധിപത്യത്തിന്റെ കരുത്താണ് എന്നും മുഖ്യമന്ത്രി പറഞ്ഞു. അത് കേള്ക്കുകയും അതില് നിന്നുള്ക്കൊള്ളുകയും മറുപടി നല്കുകയും തുടര് നടപടികള് ഉറപ്പാക്കുകയും ചെയ്യുന്ന പ്രക്രിയ കൂടിയാണ് നവകേരള സദസെന്നും മുഖ്യമന്ത്രി വ്യക്തമാക്കി.