മുംബൈ: മുന്‍ ഇന്ത്യന്‍ ക്രിക്കറ്റ് താരം റോജര്‍ ബിന്നി ബിസിസിഐ അധ്യക്ഷനായി എത്താന്‍ സാധ്യത. സൗരവ് ഗാംഗുലിക്ക് പകരമാണ് ബിന്നിയെത്തുന്നത്. ഐസിസി അധ്യക്ഷനാകാൻ സാധ്യതയുള്ളതിനാലാണ് ഗാംഗുലി പദവി ഒഴിയുന്നത്.
1983 ലോകകപ്പ് ജേതാക്കളായ ടീമിലെ അംഗമായിരുന്ന ബിന്നി നേരത്തെ ബിസിസിഐ സെലക്ഷന്‍ കമ്മിറ്റിയിലും പ്രവര്‍ത്തിച്ചിട്ടുണ്ട്. നിലവില്‍ കര്‍ണാടക ക്രിക്കറ്റ് അധ്യക്ഷനാണ് ബിന്നി.
ഒക്‌ടോബര്‍ 18ന് നടക്കുന്ന വാര്‍ഷിക സമ്മേളനത്തിലാണ് ബിസിസിഐയുടെ പുതിയ ഭാരവാഹികളെ തെരഞ്ഞെടുക്കുന്നത്. സെക്രട്ടറിയായി ജയ് ഷാ തുടരുമെന്നാണ് സൂചന.
