പത്തനംതിട്ട: പേവിഷബാധയെത്തുടര്ന്ന് മരിച്ച 12 വയസ്സുകാരി അഭിരാമിയെ (abhirami updates) കടിച്ചത് വളർത്തു നായയെന്ന് സംശയം. ജര്മ്മന് ഷെപ്പേഡ് ഇനത്തില്പ്പെട്ട നായയാണ് കുട്ടിയെ കടിച്ചതെന്ന് അമ്മ രജനി പറഞ്ഞു. നായയുടെ കഴുത്തില് ബെല്റ്റും തുടലുമുണ്ടായിരുന്നുവെന്നാണ് കുട്ടി പറഞ്ഞത്. കടിയേറ്റ കുട്ടിയെയും കൊണ്ട് ചെല്ലുമ്പോള് പെരുനാട് ആശുപത്രി പൂട്ടിയ നിലയിലായിരുന്നു. പിന്നീട് പത്തനംതിട്ട ജനറല് ആശുപത്രിയിലേക്ക് കൊണ്ട് പോവുകയായിരുന്നു.