ന്യൂഡൽഹി: വ്യാജ സർവകലാശാലയുടെ പേരിൽ വെബ്സൈറ്റ് തുറന്ന് പണം തട്ടിയ ആൾ പിടിയിൽ. ഹരിയാനയിലെ ഭല്ലഭ്ഗർ സ്വദേശിയായ വെബ് ഡിസൈനർ അമർദീപ് സിംഗാണ് അറസ്റ്റിലായത്.
വിക്രംശില എന്ന വ്യാജ സർവകലാശാലയിൽ 5000 ജോലി ഒഴിവുകളുണ്ടെന്നും 500 രൂപ നൽകി രജിസ്റ്റർ ചെയ്താൽ വിശദമായ വിവരങ്ങൾ നൽകാമെന്നും സിംഗ് വെബ്സൈറ്റിലൂടെ അറിയിച്ചിരുന്നു. വിവിധ പഠനശാഖകളിലായി 300 കോഴ്സുകൾ പ്രദാനം ചെയ്യുന്ന, നാല് ക്യാന്പസുകളുള്ള ഡിജിറ്റൽ കലാലയമാണ് വിക്രംശിലയെന്നാണ് അവകാശപ്പെട്ടിരുന്നത്.
പണം നഷ്ടപ്പെട്ടവരുടെ പരാതിയിൽ കേസെടുത്ത പോലീസ് സിംഗിനെ അറസ്റ്റ് ചെയ്തു.