ബൽറാംപുർ: പാമ്പുകടിയേറ്റു മരിച്ചയാളുടെ സംസ്കാര ചടങ്ങിനെത്തിയ സഹോദരനും പാമ്പ് കടിയേറ്റ് മരിച്ചു. ഉത്തർപ്രദേശിലാണ് സംഭവം.
സഹോദരൻ അരവിന്ദ് മിശ്രയുടെ (38) സംസ്കാര ചടങ്ങിൽ പങ്കെടുക്കാനാണ് ഗോവിന്ദ് മിശ്ര(22) ലുധിയാനയിൽ നിന്നും ഭവാനിപുരിലെ ഗ്രാമത്തിലെത്തിയത്. എന്നാൽ രാത്രിയിൽ വീട്ടിൽ കിടന്നുറങ്ങവെ ഗോവിന്ദ് മിശ്രയെ പാമ്പ് കടിക്കുകയായിരുന്നു.
ഗോവിന്ദിനെ ഉടൻആശുപത്രിയിൽ എത്തിച്ചുവെങ്കിലും മരണം സംഭവിച്ചു. ഇവരുടെ മറ്റൊരു ബന്ധുവായ ചന്ദ്രശേഖർ പാണ്ഡെയ്ക്കും പാമ്പിന്റെ കടിയേറ്റിരുന്നു. ഇയാളുടെ ആരോഗ്യസ്ഥിതി ഗുരുതരമായി തുടരുകയാണ്.