തൃശൂര്: കെഎസ്ആര്ടിസി ബസിനു മുകളിലേക്ക് കൂറ്റന് മരം കടപുഴകി വീണു. കൈപ്പറമ്പില് ഇന്ന് ഉച്ചക്ക് 12.30 യോടെയാണ് അപകടം. ആര്ക്കും പരിക്കില്ല. കുന്നംകുളം ഭാഗത്തുനിന്നും എറണാകുളം ഭാഗത്തേക്ക് പോകുകയായിരുന്ന കെഎസ്ആര്ടിസി ബസിനു മുകളിലേക്കാണ് മരം കടപുഴകി വീണത്. റോഡ് സൈഡില് നിന്നിരുന്ന മരം ശക്തമായ മഴയെയും കാറ്റിനേയും തുടര്ന്ന് കടപുഴകിയത്.
ഡ്രൈവറുടെ തക്ക സമയത്തുള്ള ഇടപെടലിനെ തുടര്ന്ന് ബസ് ഒരു ഭാഗത്ത് നിര്ത്താന് കഴിഞ്ഞതിനാല് വലിയ അപകടം ഒഴിവായി.അപകടം നടന്നതോടെ കുന്നംകുളം തൃശ്ശൂര് റോഡില് ഗതാഗതം പൂര്ണമായും തടസ്സപ്പെട്ടു. വാഹനങ്ങള് കൈപ്പറമ്പ് പറപ്പൂര് അമല വഴി തിരിച്ചുവിട്ടു. കുന്നംകുളത്ത് നിന്നുള്ള അഗ്നിരക്ഷാസേന ഉദ്യോഗസ്ഥരെത്തി മരം മുറിച്ചു മാറ്റിയാണ് ഗതാഗതം പുനഃസ്ഥാപിച്ചത്.