രാജ്യമൊട്ടാകെ തെക്കുപടിഞ്ഞാറന്‍ മണ്‍സൂണ്‍ ശക്തിപ്രാപിച്ചിരിക്കുകയാണ്. പല സംസ്ഥാനങ്ങളിലും പ്രളയ സമാനമായ അന്തരീക്ഷമാണ്. മഴ ശക്തമായതോടെ കടല്‍ക്ഷോഭവും രൂക്ഷമായിട്ടുണ്ട്. കടല്‍ പ്രക്ഷുബ്ധമായിരിക്കുന്ന അവസ്ഥയില്‍ കടലില്‍ ഇറങ്ങരുതെന്ന് അധികൃതര്‍ തുടര്‍ച്ചയായി മുന്നറിയിപ്പ് നല്‍കുന്നുണ്ട്. ഇത്തരം മുന്നറിയിപ്പുകള്‍ അവഗണിക്കുന്നത് അപകടം ക്ഷണിച്ചുവരുത്തുമെന്നതിന്റെ ഉത്തമ ഉദാഹരണമായി ഒരു വീഡിയോ വ്യാപകമായാണ് പ്രചരിക്കുന്നത്.
ശിഖാ ഗോയല്‍ ഐപിഎസ് ട്വിറ്ററില്‍ പങ്കുവെച്ച വീഡിയോയാണ് പാഠമാകുന്നത്. ക്ഷോഭിച്ച് കിടക്കുന്ന കടലിന്റെ തീരത്ത് നില്‍ക്കുന്നവര്‍ക്ക് സംഭവിച്ചതാണ് വീഡിയോയുടെ ഉള്ളടക്കം.
