ന്യൂഡൽഹി: കൊലപാതക ശ്രമത്തില് നിന്നും യുവാവിനെ രക്ഷിക്കാന് ശ്രമിക്കുന്നതിനിടെ പോലീസുകാര്ക്ക് പരിക്ക്. ഡല്ഹിയിലെ ദ്വാരകയിലാണ് സംഭവം.
സംഭവവുമായി ബന്ധപ്പെട്ട് എസ്.കെ. മസാറഫ് എന്നയാളെ പോലീസ് പിടികൂടി. ഹെഡ് കോണ്സ്റ്റബിള്മാരായ ജിതേന്ദര്, മുകേഷ് എന്നിവര് പട്രോളിംഗ് നടത്തുന്നതിനിടെയാണ് സംഭവം.
മസാറഫ് ഒരു യുവാവിനെ ഷേവിംഗ് ബ്ലേഡ് ഉപയോഗിച്ച് കൊലപ്പെടുത്താന് ശ്രമിക്കുന്നതാണ് പോലീസുകാര് കണ്ടത്. സംഭവം തടയാന് ശ്രമിച്ച പോലീസുകാരെയും ഇയാള് ആക്രമിക്കാന് ശ്രമിച്ചു.
ഇതേതുടര്ന്നാണ് പോലീസുകാര്ക്കും പരിക്കേറ്റത്. എന്നാല് പിന്മാറാന് ഇവര് തയാറായില്ല. ഒരുവിധം ഇയാളെ പോലീസുകാര് കീഴടക്കി. ജിതേന്ദറിന്റെ തലയിലും മുകേഷിന്റെ കൈക്കുമാണ് മുറിവേറ്റത്. ഇരുവരും ആശുപത്രിയില് ചികിത്സതേടി.