ചെന്നൈ: എഐഎഡിഎംകെ മുൻ ജനറല് സെക്രട്ടറി വി.കെ. ശശികല ബിജെപിയിലേക്ക് സ്വാഗതം ചെയ്ത് എംഎല്എ. ശശികല എഐഎഡിഎംകെയിലേക്ക് മടങ്ങി വരാന് ശ്രമിക്കുന്നുവെന്ന വാര്ത്തകള് വന്ന് കൊണ്ടിരിക്കവേയാണ്, ബിജെപി എംഎല്എ നായ്നാര് നാഗേന്ദ്രൻ ബിജെപിയിലേക്ക് ക്ഷണവുമായി എത്തിയത്.
തന്റെ പാര്ട്ടിയായ ബിജെപി ശശികലയെ എപ്പോഴും സ്വാഗതം ചെയ്യുന്നു. ശശികലയെ എഐഎഡിഎംകെ പാര്ട്ടിയിലെടുക്കാന് തയാറായില്ലെങ്കില് ബിജെപി വളരെ സന്തോഷത്തോടെ അവരെ സ്വീകരിക്കുമെന്നാണ് നാഗേന്ദ്രൻ പറഞ്ഞത്. അതേസമയം, ശശികലയുമായി ബന്ധപ്പെട്ട വൃത്തങ്ങൾ ഇതിനോട് ഇതുവരെ പ്രതികരിച്ചിട്ടില്ല.