ന്യൂഡൽഹി: പാർട്ടി വിലക്ക് ലംഘിച്ച് സിപിഎം സെമിനാറിൽ പങ്കെടുത്ത കെ.വി. തോമസിനെതിരേ നടപടിയെടുക്കാനുള്ള അച്ചടക്ക സമിതിയുടെ ശിപാർശ കോൺഗ്രസ് അധ്യക്ഷ സോണിയ ഗാന്ധി അംഗീകരിച്ചു. ഇതിൻപ്രകാരം കെ.വി. തോമസിനെ പാർട്ടി പദവികളിൽനിന്ന് ഒഴിവാക്കും.
രാഷ്ട്രീയകാര്യ സമിതിയിൽനിന്നും കെപിസിസി എക്സിക്യുട്ടീവിൽനിന്നുമാണ് ഒഴിവാക്കുക. അതേസമയം, സംഘടനാ തെരഞ്ഞെടുപ്പു വരുന്നതിനാല് എഐസിസി അംഗത്വം സാങ്കേതികമെന്നാണു നേതൃത്വത്തിന്റെ വിശദീകരണം.
കണ്ണൂരിൽ നടന്ന സിപിഎം പാർട്ടി കോണ്ഗ്രസ് സെമിനാറിൽ പാർട്ടി വിലക്ക് ലംഘിച്ച് പങ്കെടുത്തതാണ് തോമസിന് വിനയായത്. തോമസിന്റെ നടപടി പാർട്ടിക്ക് നാണക്കേടുണ്ടാക്കിയെന്നും നടപടി വേണമെ