സിയോൾ: കൊറിയൻ ഓപ്പണ്‍ ബാഡ്മിന്‍റണിൽ. പി.വി. സിന്ധുവും കെ. ശ്രീകാന്തും സെമിയില്‍. നെരിട്ടുള്ള ഗെയിമുകള്‍ക്ക് സിന്ധു തായ്‌ലന്‍റ് താരം ബുസാനനെ തോല്‍പ്പിച്ചു. മൂന്ന് ഗെയിം നീണ്ട പോരാട്ടത്തിലാണ് ശ്രീകാന്ത് വാന്‍ഹോയെ തോല്‍പ്പിച്ചത്.
ബുസാനൻ ഓംഗ്ബംരുഗ്ഫാനെ തോൽപ്പിച്ചാണ് സിന്ധു സെമിയിൽ പ്രവേശിച്ചത്. ആദ്യ ഗെയിമിൽ 2-5ന് പിന്നിലായിരുന്ന പി.വി. സിന്ധു, നാല് പോയിന്‍റ് നേടി 6-5ന് ലീഡ് ചെയ്യുകയായിരുന്നു. 21-10ന് ആദ്യ റൗണ്ട് പൂർത്തിയാക്കി.
രണ്ടാം ഗെയിമിൽ തുടക്കം മുതൽ തന്നെ ലീഡ് നേടിയ സിന്ധു, 8-2ന് മുന്നിലെത്തി. 21-16നാണ് രണ്ടാം റൗണ്ട് സിന്ധു വിജയിച്ചത്. 43 മിനിറ്റ് നീണ്ട് നിന്ന ക്വാർട്ടർ ഫൈനൽ മത്സരത്തിൽ, 21-10, 21-16 എന്ന സ്‌കോറിന് സിന്ധു ജയിക്കുകയായിരുന്നു.
