ന്യൂഡൽഹി: സില്വര്ലൈന് പദ്ധതിക്കെതിരെ സംസ്ഥാനത്തും രാജ്യതലസ്ഥാനത്തും പ്രതിഷേധം ശക്തമാകുന്നതിനിടെയില് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്രമോദിയുമായി ചര്ച്ച നടത്തി. പാര്ലമെന്റ് ഹൗസിലെ പ്രധാനമന്ത്രിയുടെ ഓഫീസില് വച്ചാണ് കൂടിക്കാഴ്ച നടന്നത്.
അരമണിക്കൂറോളം ഇരുവരും സംസാരിച്ചു. ചീഫ് സെക്രട്ടറി, രാജ്യസഭാ അംഗം ജോണ് ബ്രിട്ടാസ് എന്നിവരും മുഖ്യമന്ത്രിയോടൊപ്പം ഉണ്ടായിരുന്നു.
കൂടിക്കാഴ്ചയെക്കുറിച്ചുള്ള വിശദാംശങ്ങള് വൈകുന്നേരം നാലിന് മാധ്യമങ്ങളെ കാണുമ്പോള് അറിയിക്കുമെന്ന് മുഖ്യമന്ത്രി പറഞ്ഞു.
അതേസമയം, സിൽവർലൈൻ പദ്ധതിക്കെതിരെ സമാധാനപരമായി പ്രതിഷേധിച്ച യുഡിഎഫ് എംപിമാരെ ഡൽഹി പോലീസ് മർദിച്ചു. ഹൈബി ഈഡൻ എംപിയുടെ മുഖത്ത് പോലീസ് ഉദ്യോഗസ്ഥൻ അടിച്ചു. മറ്റ് എംപിമാർക്കും മർദനമേറ്റു.