കോഴിക്കോട്: പ്രമുഖ നാടക, സാംസ്കാരിക പ്രവർത്തകൻ മധുമാഷ് (73) അന്തരിച്ചു. കോഴിക്കോട് സഹകരണ ആശുപത്രിയിൽവച്ചായിരുന്നു അന്ത്യം. നൂറു കണക്കിന് വേദികളിൽ അവതരിപ്പിക്കപ്പെട്ട അമ്മ നാടകത്തിന്റെ രചയിതാവും സംവിധായകനുമാണ്.
അമ്മ, ഇന്ത്യ 1947, പടയണി, കലിഗുല തുടങ്ങിയവയാണ് അദ്ദേഹത്തിന്റെ പ്രധാന നാടകങ്ങൾ. ഷട്ടർ, ലീല തുടങ്ങിയ സിനിമകളിലും അഭിനയിച്ചു. തുഞ്ചൻ പുരസ്കാരം ഉൾപ്പെടെ നേടിയിട്ടുണ്ട്.
