തൃശൂർ: കെ റെയിൽ പദ്ധതിക്കെതിരായി തൃശൂർ കളക്ട്രേറ്റിലേക്ക് യൂത്ത് കോൺഗ്രസ് പ്രവർത്തകർ നടത്തിയ മാർച്ചിൽ സംഘർഷം. പോലീസ് വലയം ഭേദിച്ച് കളക്ട്രേറ്റ് വളപ്പിനുള്ളിൽ കയറിയ പ്രവർത്തകർ പ്രതീകാത്മക സർവെ കല്ല് സ്ഥാപിച്ചു.
പ്രവർത്തകർക്ക് നേരെ പോലീസ് ജലപീരങ്കി പ്രയോഗിച്ചു. എന്നിട്ടും മടങ്ങിപ്പോകാതിരുന്നവർക്ക് നേരെ പോലീസ് ലാത്തി വീശി. പ്രവർത്തകരെ പോലീസ് അറസ്റ്റ് ചെയ്ത് നീക്കി.