ജസ്റ്റിസ് തോട്ടത്തില് ബി രാധാകൃഷ്ണന്(63) അന്തരിച്ചു. ക്യാന്സര് രോഗ ബാധിതനായി കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു. ഹൃദയാഘാതത്തെ തുടര്ന്ന് ഇന്ന് പുലര്ച്ചെ മൂന്ന് മണിയോടെയായിരുന്നു അന്ത്യം.
തോട്ടത്തില് ബി രാധാകൃഷ്ണന് 1983 ലാണ് അഭിഭാഷകനായത്. 2004 ഒക്ടോബര് 14നാണ് കേരള ഹൈക്കോടതിയില് ജഡ്ജിയായത്. രണ്ടു തവണ ആക്ടിങ് ചീഫ് ജസ്റ്റിസായി. കേരള ലീഗല് സര്വീസസ് അതോറിറ്റി എക്സിക്യൂട്ടീവ് ചെയര്മാനായിരുന്നു. കേരള ഹൈക്കോടതിയില് 12 വര്ഷം ജഡ്ജിയായി സേവനം അനുഷ്ഠിച്ചിട്ടുണ്ട്.
കൊല്ക്കത്ത ഹൈക്കോടതി ചീഫ് ജസ്റ്റിസ് ഛത്തീസ്ഗഡ്, തെലങ്കാന/ആന്ധ്ര ഹൈക്കോടതികളില് ചീഫ് ജസ്റ്റിസും, തെലങ്കാനയ്ക്കു പ്രത്യേക ഹൈക്കോടതി രൂപീകരിച്ചപ്പോള് ആദ്യ ചീഫ് ജസ്റ്റിസുമായിരുന്നു തോട്ടത്തില് ബി. രാധാകൃഷ്ണന്.
മരട് ഫ്ലാറ്റ് പൊളിക്കലുമായി ബന്ധപ്പെട്ട് സുപ്രീം കോടതി നിയോഗിച്ച കമ്മീഷന് അധ്യക്ഷന്, ബഫര് സോണ് വിഷയത്തില് സംസ്ഥാന സര്ക്കാര് നിയോഗിച്ച സമിതി അധ്യക്ഷന് എന്നീ നിലകളില് സേവനമനുഷ്ടിച്ചിട്ടുണ്ട്. സംസ്ഥാനത്തെ മാനസികാരോഗ്യ കേന്ദ്രങ്ങളുടെ പ്രവര്ത്തനത്തിലും മുതിര്ന്ന പൗരന്മാരുടെ പ്രശ്നങ്ങളിലും ദേവസ്വം വിഷയങ്ങളിലും ശ്രദ്ധേയ ഇടപെടല് നടത്തിയിരുന്നു.