കൊച്ചി : പരിസ്ഥിതിയ്ക്ക് ഏറ്റവും ദോഷകരമായ് ബാധിക്കുന്ന പ്ലാസ്റ്റിക് മാലിന്യങ്ങൾക്ക് എതിരായി വ്യത്യസ്തമായ രീതിയിൽ പോരാട്ടമുഖം തുറക്കുകയാണ് ജയ് ഭാരത് കോളേജിലെ വിദ്യാർത്ഥികൾ. ജയ് ഭാരത് കോളേജിലെ എഞ്ചിനിയറിങ്, ആർട്സ് വിഭാഗത്തിലെ വിദ്യാർത്ഥികൾ ഒരുമിച്ചു ചേർന്നാണ് ഈ പദ്ധതിക്കു നേതൃത്വം നൽകുന്നത്. ഇതിന്റെ ഭാഗമായി ക്യാമ്പസിൽ ഒരു വർഷം ഉണ്ടാകുന്ന പ്ലാസ്റ്റിക് മറ്റ് ഇതര മാലിന്യങ്ങളും ശേഖരിച്ചു അതിലൂടെ വിവിധ തരത്തിലുള്ള രൂപങ്ങളും, വിവിധ തരത്തിലുള്ള മാതൃകകളും സൃഷ്ടിക്കുകയാണ് കുട്ടികൾ.
ജയ് ഭാരത് കോളേജ് ഗ്രൂപ്പ് ഓഫ് ഇൻസ്റ്റിട്യൂഷന്റെ ചെയർമാൻ എ എം കരീമിന്റെ മനസ്സിൽ ഉദിച്ച ആശയം കോളേജിലെ വിദ്യാർത്ഥികളും അധ്യാപകരും അലൂമിനിയുടെ സഹായത്തോടെ ഒരുമിച്ചു നിന്നു പ്രാവർത്തികമാക്കുകയായിരുന്നു. ബ്രെഹ്മപുരം മാലിന്യ സംസ്കരണ പ്ലാന്റിൽ ഉണ്ടായ തീ പിടുത്തവും, ക്യാമ്പസിന്റെ വിവിധ ഭാഗങ്ങളിൽ നടത്തിയ നിർമ്മാണ പ്രവർത്തനങ്ങൾക്ക് മണ്ണെടുക്കേണ്ടി വന്നപ്പോൾ മണ്ണിൽ നിന്നും ലഭിച്ചിട്ടുള്ള പ്ലാസ്റ്റിക്കിന്റെ അളവുമാണ് അതിനെ കൃത്യമായി ശേഖരിച്ചു സംസ്ക്കരിക്കുന്നതിനി വേണ്ടിയിട്ടുള്ള ഒരു മാർഗ്ഗം എന്ന നിലയിൽ ചെയർമാൻ ഇത്തരത്തിലുള്ള ഒരു പദ്ധതി ആവിഷ്ക്കരിച്ചത്. ചെയർമാന്റെ ആ ഒരു ആശയത്തെ അലുമിനി അസോസിയേഷനും കോളേജിലെ സ്റ്റുഡൻസും അദ്ധ്യാപകരും ചേർന്ന് ഏറ്റെടുത്തപ്പോഴാണ് ഇത്തരത്തിലുള്ള ഒരു പദ്ധതിയായ് അതിനെ മാറ്റുവാൻ സാധിച്ചത്. ക്യാമ്പാസിലെ മലിന്യങ്ങൾക്ക് പുറമേ തൊട്ടടുത്ത കടകളിലെയും വീടുകളിലെയും മലിന്യവും ഇതിനായി ശേഖരിച്ചിരുന്നു.
മിൽമ പായ്ക്കറ്റുകൾ കൊണ്ട് ഒരു പശുവിനെയും മറ്റു രൂപങ്ങളും നിർമ്മിച്ചെടുക്കുവാനായിട്ടാണ് അത് പ്രദർശനത്തിനു ഒരുക്കുകയും ചെയ്യുക എന്നതാണ് ലക്ഷ്യം വയ്ക്കുന്നത്. ഒരു വർഷം ക്യാമ്പസിൽ അടിഞ്ഞു കൂടുന്ന മാലിന്യങ്ങൾ പ്ലാസ്റ്റിക്, പേപ്പർ, തുണി മറ്റ് സാധനങ്ങൾ എന്തിനെയും ഇത്തരത്തിൽ പല രൂപങ്ങളായി ക്യാമ്പസിൽ പ്രദർശനം ഒരുക്കുകയാണ്. ഇതിലൂടെ മാലിന്യം കൃത്യമായി ശേഖരിക്കുവാനും മണ്ണിൽ വലിച്ചെറിയുന്നത് തടയാനും സാധിക്കും. വിവിധ സാമൂഹിക സംഘടനകൾ, പ്രകൃതി സംരക്ഷണ സംഘടനകൾ ശിചിത്വ മിഷൻ എന്നിവയുടെ സഹകരണത്തോട് കൂടി ഈ പദ്ധതി കേരളത്തിൽ മുഴുവൻ സ്ഥലങ്ങളിലും വ്യാപിപ്പിക്കുന്നതിനും ക്യാമ്പസിൽ പ്ലാസ്റ്റിക് ശേഖരിക്കാൻ ഒരു കൃത്രമ മരം വളർത്തുന്നതിനും ക്യാമ്പസിൽ ആ വർഷത്തിലെ മുഴുവൻ പ്ലാസ്റ്റിക്കുകളും മരത്തിൽ ശേഖരിക്കാനും യഥാർത്ഥ മരംപോലെ ആ കൃത്രിമ മരം വളരുകയും ചെയ്യുന്ന രീതിയിൽ ആണ് ഇതിനെ രൂപ കല്പന ചെയ്തിട്ടുള്ളത്.
ജയ് ഭാരത് തുടങ്ങി വയ്ക്കുന്ന ഈ ആശയം കേരളത്തിലെ മറ്റു കോളേജുകൾ ഏറ്റെടുത്തു നടപ്പിലാക്കി സമൂഹത്തിന് ഒരു മാലിന്യ ശേഖരണ മാതൃക സൃഷ്ടിക്കണം എന്ന് ജയ് ഭാരത് പ്രതിനിധികൾ വാർത്തസമ്മേളനത്തിൽ അഭ്യർത്ഥിച്ചു.
ജയ്ഭാരത് കോളേജുകളുടെ സംയുക്താഭിമുഖ്യത്തിൽ കേരളത്തിലെ അമ്പതിൽ പരം എൻജിനീയറിങ്- ആർട്സ് ആൻഡ് സയൻസ്- പോളിടെക്നിക്- കോളേജുകളെ പങ്കെടുപ്പിച്ചുകൊണ്ട് നടത്തുന്ന ജെ ബി ഫെസ്റ്റ് 2025 ഫെബ്രുവരി 6 മുതൽ 8 വരെ അറയ്ക്കപ്പടി ജയ്ഭാരത് കാമ്പസിൽ നടക്കുകയാണ്. പ്രൈസ്മണി ആയിമാത്രം 5 ലക്ഷത്തോളം രൂപ വിദ്യാർഥികൾക്ക് സമ്മാനമായി പ്രഖ്യാപിച്ചിരിക്കുന്ന വിവിധ മത്സരങ്ങൾ ഈ ഫെസ്റ്റിന്റെ മാറ്റുകൂട്ടുന്നു.
ടെക്നിക്കൽ ഇവൻറ്സ്, മാനേജ്മെന്റ് ഇവൻറ്സ്, ഗെയിംസ്, കൾച്ചറൽ ഇവൻറ്സ് എന്നീ വിഭാഗങ്ങളിലായി 43 മത്സരയിനങ്ങളും വിദ്യാർത്ഥികളെയും പൊതുജനങ്ങളെയും ഒരുപോലെ ആകർഷിക്കുന്നതും എൻജിനീയറിങ്ങിന്റെയും ആർട്ടിഫിഷ്യൽ ഇന്റലിജൻസിൻ്റെയും അനന്ത സാധ്യതകൾ വെളിപ്പെടുത്തുന്നതുമായ ഇൻഡസ്ട്രിയൽ എക്സിബിഷൻ, റോബോ എക്സിബിഷൻ, ഡ്രോൺ ഷോ, ഡ്രോൺ എക്സ്പോ, പ്രോജക്ട് എക്സിബിഷൻ തുടങ്ങിയവയും – ജനശ്രദ്ധ ആകർഷിക്കുന്ന നിരവധി പരിപാടികളും ഈ വർഷത്തെ മെഗാ ഫെസ്റ്റിവലിൽ ഉൾപ്പെടുത്തിയിട്ടുണ്ട്. മൂന്ന് ദിവസം നീണ്ടുനിൽക്കുന്ന ഈ ജെ ബി ഫെസ്റ്റിൽ വർണ്ണ ശബളമായ സംഗീത പരിപാടികൾ, റോഡ് സുരക്ഷയെ സംബന്ധിച്ച ബോധവൽക്കരണം കൂടി ഉദ്ദേശിച്ചുള്ള ഓട്ടോ ഷോ, ഫുഡ് ഫെസ്റ്റ്, ഇ- സ്പോർട്സ് തുടങ്ങിയ പരിപാടികളും ഫെസ്റ്റിവലിന്റെ ആകർഷണങ്ങളായി മാറും. ആധുനിക സാങ്കേതികവിദ്യകൾ ഉപയോഗിച്ചിട്ടുള്ളതും, പുതിയതും പഴയതുമായ മോഡലിൽ ഉള്ളതുമായ സ്പോർട്സ് – ലക്ഷ്വറി – വിൻ്റേജ് കാറുകളുടെ നിരയും, പഴയ വാഹനങ്ങളുടെ സാന്നിദ്ധ്യവും വാഹന പ്രേമികളെ ഏറെ ആകർഷിക്കുകയും ഓട്ടോ ഷോയുടെ മാറ്റ് കൂട്ടുകയും ചെയ്യും.
പെരുമ്പാവൂർ ജയ് ഭാരത് ഗ്രൂപ്പ് ഓഫ് ഇൻസ്റ്റിറ്റ്യൂഷൻസിന്റെ കീഴിലുള്ള എൻജിനീയറിങ് കോളേജ്, പോളിടെക്നിക് കോളേജ്, ആർട്സ് ആൻഡ് സയൻസ് കോളേജ്, സ്കൂൾ ഓഫ് മാനേജ്മെന്റ് സ്റ്റഡീസ് എന്നീ സ്ഥാപനങ്ങളിലെ വിദ്യാർത്ഥികളും അധ്യാപകരും നേതൃത്വം നൽകുന്ന ഈ മെഗാഫെസ്റ്റ് മാനേജ്മെൻ്റിൻ്റെ കൂടി സഹകരണത്തോടെ കേരളത്തിലെ എല്ലാ ജില്ലകളിൽ നിന്നുമുള്ള ഉന്നത വിദ്യാഭ്യാസ രംഗത്തെ പതിനായിരത്തോളം വിദ്യാർത്ഥികൾ പങ്കെടുക്കുന്ന ഒരു കലാ- കായിക – സാങ്കേതിക മേളയാക്കി മാറ്റുവാനാണ് ഉദ്ദേശിച്ചിരിക്കുന്നത്.
ഈ വർഷത്തെ ജെ ബി ഫെസ്റ്റിനോട് അനുബന്ധിച്ച് വിളിച്ചു ചേർത്ത വാർത്താ സമ്മേളനത്തിൽ ജയ്ഭാരത് ഗ്രൂപ്പ് ചെയർമാൻ എ എം കരീം, പ്രിൻസിപ്പൽമാരായ ഡോ. ഷമീർ കെ മുഹമ്മദ്, ഡോ. കെ എൻ നിതേഷ് കുമാർ, ഡോ. പ്രദീപ്കുമാർ, ശ്രീ ഒ വി അഷർ, കോഡിനേറ്റർ ഡോ. ടി ജി സന്തോഷ് കുമാർ, അസി: മാനേജർ ബാസിത് ബഷീർ തുടങ്ങിയവർ സംബന്ധിച്ചു.
